AC/DC
AC/DC | ||
---|---|---|
![]() AC/DC-შ გჷშულა 2009 წანაშ 31 მარაშინათუთას ტაკომას: (კვარჩხანშე) ბრაიან ჯონსონი, მალკოლმ იანგი, ფილ რადი, ანგუს იანგი დო კლიფ უილიამსი | ||
ბიოგრაფია | ||
ჟანრ(ეფ)ი | მონკროკი, მონკა მეტალი, ბლუზ როკი, როკ-ენ-როლი | |
ობირეში ხონარი | {{{ობირეში ხონარი}}} | |
აქტიური | 1973–ამუდღარშახ | |
ლეიბლ(ეფ)ი | Albert, EMI, Columbia, Epic, Atlantic, Atco, Elektra, East West | |
ასოციაციეფი | Geordie, The Easybeats | |
ვებ-ხასჷლა | www.acdc.com | |
მაკათურეფი | ||
ბრაიან ჯონსონი ანგუს იანგი მალკოლმ იანგი კლიფ უილიამსი ფილ რადი | ||
ჸოფილი მაკათურეფი | ||
ბონ სკოტი საიმონ რაიტი კრის სლეიდი მარკ ევანსი დეივ ევანსი (რსული ერკებული) |
AC/DC (ინგლ. კუნტარაფა alternating current/direct current — მათირაფუ დენი/ირალი დენი) — ავსტრალიური როკ-ბუნა.
ბუნაქ 1973 წანას დირსხუ სიდნეის, ავსტრალიას. ბუნას გჷმოჩამილი ალბომეფიშ რეკორდული მუდანობა უღჷ: საართო მუდანობა 150 მილიონს უმონს მოსოფელიშ მასშტაბით, თინეფ შქას არძოშე წჷმოძინელი ალბომქ Back in Black 21 მილიონ ეგზემპლარო გჷმიჩინჷ ააშ-ს დო 42 მილიონ ეგზემპლარო თიშ თანჯეფს გალე. ზოგადო AC/DC ავსტრალიას არძოშე წჷმოძინელი დო ჩინებული როკ-ბუნა რე. ბუნაშ ისტორიას ჟირი ვოკალისტი რდჷ, ათეშენ თის რთჷნა „ბონ სკოტიშ პერიოდო“ (1974-1981) დო „ბრაიან ჯონსონიშ პერიოდო“ (1981-შე ამუდღარშახ).
თიშ უმკუჯინუო, ნამუდა ბუნა ჰარდ-როკიშ ართ-ართი დჷმარსხუაფალი რე დო ბრელიშ არზით გურგაჩამალი გოლინა მახვამილუ ჰევი-მეტალშან, დუდო მუსიკოსეფი მუნეფიშ დუც როკ-ენ-როლიშ კატეგორიას ურხველუანა. თინეფიშ მუსიკას ოსხირო რიტმ-ენდ-ბლუზი უძჷ.
ბუნა 1978 წანაშ უკული კრიზისის რე დო ბრელი თიშ აკოცჷმასჷთ უზურენდჷ. 1981 წანას ბუნაშ ვოკალისტი ბონ სკოტი ღურელი ქიმთახვილუეს მანქანას. ექსპერტიზაქ დადგინჷ, ნამუდა ღურაშ ზეკი ასთმა დო შუმილობა რდჷნ. ბრელი ფირქენდჷ, ნამუდა ბუნა აკოცენდჷნ, მარა მალასჷნე ქოძირეს ვოკალისტი ბრაიან ჯონსონი, მით ხონარიშ ტემბრით ხოლო ბონ სკოტის გჷდჷ. მორო ბუნას კჷნე ვა გუმართჷ დო 1981 წანას კონცერტიქ ვაკოდირთჷ, რახან ბრაიანს კონცერტიშ დოჭყაფაშახ ჭე ხანით ორდო ჸვერე ჭიქ გუხორცქ დო უგნუდვალუ ოპერაციას ქჷგიახვილ. თეშ უკული ბუნაქ გჷშაშქჷ ახალი ალბომი Back in Black (მარგ. დორთა უკუმელაშა), ნამუქჷთ ბუნას დიდი წჷმოძინა მოუღჷ. თინა რე არძოშე წჷმოძინელი ალბომი ბუნაშ ისტორიას. 1981 წანაშ უკული ართ მაკათური ხოლო ვა თირელე დო ბუნა ამუდღარშახ აქტიური რე.
ისტორია
[რედაქტირაფა | წყუშ რედაქტირაფა]დორსხუაფა დო ჯოხო
[რედაქტირაფა | წყუშ რედაქტირაფა]ბუნაშ დორსხუაფა ჯიმალეფქ, მალკოლმ დო ანგუს იანგეფქ გჷნოჭყვიდეს. ანგუსი 5 წანაშე დოინტერესაფილი რე გიტარაშ მეგამათ. ანგუსიშ უნჩაში ჯიმას გლახათ უჩქუდჷ გიტარაშა მეგამა დო მუთ უჩქუდჷნ, ანგუსის ქჷდაგურუ. თეშ უკული ანგუსიქ გიტარაშ გურაფა ზოხორინელო გაგჷნძორჷ - თინა ფაქტიურო, მუშითნაგურეფი გიტარისტი რე. თიშ ფანიას ვა უღუდჷ შელება სქუა გიტარაშ დაგურაფალ კურსეფშა გილუჸუნაფუდუკონ, რახან ფანიას ჩხორო და დო ჯიმა რდჷ. ფანიას დუდიშ ეჯუმალა ხოლო უჭირდჷ, ანგუსიშო ახალი გიტარაშე ჩიება ზოლო ბრელი რდჷ. ანგუსის ჭიჭენობაშე მუსიკა მიკმიჭოფანდჷ, ოდო მალკოლმი სპორტით რდჷ დოინტერესაფილი დო ანგუსის გიაძიცანდჷ ქოთ თიშ მუსიკალური ინტერესეფიშ გეშა. მორო თიქ საბოლათ სპორტიშა მუსიკა ისხუნუ დო ანგუსის გიტარაშა მეგამაშ დოგურაფა ქოთხუ. 15 წანერი ანგუსი, თიწკჷმა უკვე მიოგანდჷ როკ კლუბეფს, წჷმოძინელ ბუნეფწკჷმა ართო.
ჯიმალეფქ მაართა ბუნა 1968 წანას დარსხის. მორო თე ბუნაქ ჯოხო დო მაკათურეფი ხოლო დითირუ, უთირუქ ხვალე ჯიმალეფი იანგეფქ დოსქიდეს დო 1973 წანას საბოლათ გეგშართეს AC/DC-იშ ჯოხოთ.
იანგეფიშ ართ-ართი და მაჭალი რდჷ. ანგუსიქ თიშ ოჭალ მანქანას ქუმკახვილუ მუკნაჭარა AC/DC. თიში ინგლისურო ეინწყუმუ ათაშ: alternating current/direct current — მათირაფუ დენი/ირალი დენი.
აკოდგინალუა
[რედაქტირაფა | წყუშ რედაქტირაფა]![](http://upload.wikimedia.org/wikipedia/xmf/timeline/fvm7wqfn215rxnvg38qfv98sa0f4alo.png)
დისკოგრაფია
[რედაქტირაფა | წყუშ რედაქტირაფა]- High Voltage (ავსტრალია) (1975)
- T.N.T. (1975)
- High Voltage (ინტერნაციონალური გჷშაშქუმალა) (1976)
- Dirty Deeds Done Dirt Cheap (1976)
- Let There Be Rock (1977)
- Powerage (1978)
- If You Want Blood You've Got It (1978) (ცოცხალი ალბომი)
- Highway to Hell (1979)
- Back in Black (1980)
- For Those About to Rock We Salute You (1981)
- Flick of the Switch (1983)
- '74 Jailbreak (1984, ააშ) (კათელი)
- Fly on the Wall (1985)
- Who Made Who (1986) (საუნდტრეკი)
- Blow Up Your Video (1988)
- The Razors Edge (1990)
- AC/DC Live (1992) (ჟირმანგი ცოცხალი ალბომი)
- Ballbreaker (1995)
- Stiff Upper Lip (2000)
- Black Ice (2008)
- Iron Man 2 (2010) (საუნდტრეკი)
- Rock or Bust (2014)
- Power Up (2020)