Futurama
Futurama | |
---|---|
![]() | |
Janri |
multserial komediya ilmiy taxayyulot |
Muallif(lar) | Matt Groening |
Ovoz berganlar |
Billy West Katey Sagal John DiMaggio Phil LaMarr Lauren Tom Maurice LaMarche Tress MacNeille David Herman Frank Welker Kath Soucie Tom Kenny |
Mamlakat |
![]() |
Mavsumlar soni | 9 |
Qismlar soni | 154 |
Ishlab chiqarish | |
Ijrochi prodyuser(lar) |
Matt Groening David X. Cohen |
Qism davomiyligi | 22 daq. |
Efirga uzatilishi | |
Telekanal |
Fox (1999—2003) Cartoon Network (2001—2007) Comedy Central (2008–2013) |
Tasvir formati | NTSC (480i) |
Translyatsiya davri | 28-mart, 1999 |
Tashqi havolalar | |
Rasmiy sayti |
Futurama Amerika multserialidir. Ilmiy-fantastik komediya janridadir. Matt Groening va David X. Cohen tomonidan Fox telekanali uchun yaratilgan. Serial 1999-yili muzlab qolib, 3000-yilda uygʻongan Nyu-Yorklik pizza tashuvchi Philip J. Fry haqida hikoya qiladi.
Serialning 1999—2003-yillar orasida 4 mavsumi tayyorlanib, Fox telekanalida efirga uzatildi. Uzoq tanaffusdan soʻng, 2007-yil oxirida 5-mavsum ustida ish boshlandi va u 2008-yil yanvaridan Comedy Central kanalida koʻrsatilmoqda. Serial nomi inglizcha future — kelajak va panorama soʻzlaridandir (qolaversa, "Futurama" nomi bilan 1939-yilgi Nyu York butunjahon koʻrgazmasidagi bir pavilyon nomlangandi, serial asoschilari oʻsha pavilyondan ilhomlanishgan).
Qahramonlar
[tahrir | manbasini tahrirlash]Futuramadagi voqealar XXXI-asr boshida boʻlib oʻtadi. Asosiy qahramonlar «Planet Express» yuk tashish xizmati shirkatida ishlashadi. Ular quyidagilardir:
- Philip J. Fry (Billy West)
- Philip J. Fry yosh, odatda omadsiz pizza tashuvchi yigitdir. U 2000-yil kirib kelishi bilan krionika laboratoriyasida muzlab qolib, 2999-yil oxirida uygʻonadi. Shundan soʻng u egasi uning yagona tirik qarindoshi Professor Farnsworth boʻlgan Planet Express shirkatiga ishga joylashadi.
- Turanga Leela (Katey Sagal)
- Leela bir koʻzli yosh ayol boʻlib, Planet Express shirkatida fazoviy kema dargʻasi boʻlib ishlaydi. Fry uni sevishini bilsa-da, ancha vaqtgacha u bilan yaqin munosabatlar boshlashdan bosh tortadi.
- Bender Bending Rodríguez (John DiMaggio)
- Bender piyonista, sigara ishqibozi, mayda oʻgʻri, mizantrop, xudbin robotdir. Meksika zavodlaridan birida metall egish uchun maxsus ishlab chiqarilgan bu robot Planet Expressda savdo menejeri yordamchisi va keyinchalik oshpaz boʻlib ishlaydi. U Fryning eng yaqin doʻsti va xonadoshi hamdir.
- Professor Hubert J. Farnsworth (Billy West)
- Taxminan 168 yashar Professor Hubert Farnsworth Fryning uzoq jiyani va yagona tirik qarindoshidir. Farnsworth oʻzining gʻaroyib tajriba va ixtirolari ustidagi ishlariga ketadigan xarajatni qoplash uchun Planet Expressga asos solgan.
- Dr. John A. Zoidberg (Billy West)
- Zoidberg Decapod 10 sayyorasidan kelgan qisqichbaqasimon kelgindidir. Planet Expressda tabib vazifasida ishlasa-da, uning odam anatomiyasidan ham deyarli xabari yoʻq. Zoidberg qashshoq hayot kechiradi va uning Frydan boshqa doʻsti yoʻq.
- Amy Wong (Lauren Tom)
- Amy Planet Expressda amaliyot oʻtayotgan muhandis-talaba qizdir. Mars sayyorasida uning badavlat ota-onasi yashaydi. Marsda tugʻilgan boʻlsa-da, xitoylik qilib tasvirlangan.
- Hermes Conrad (Phil LaMarr)
- Hermes Planet Express buxgalteridir. Yamaykalik Hermes 37-darajali qogʻozboz boʻlib, bundan juda faxrlanadi. Shuningdek u limbo oʻyini chempioni hamdir.
Manbalar
[tahrir | manbasini tahrirlash]
![]() |
- AQSh teleseriallari
- Televideniyega oid chala maqolalar
- Animatsion teleseriallar
- Futurama
- Fox Broadcasting Company dasturlari
- Comedy Central dasturlari
- Ingliz tilidagi televizion shoular
- 1990-yillar teleseriallari
- 1990-yillar animatsion teleseriallari
- 2000-yillar teleseriallari
- 2000-yillar animatsion teleseriallari
- 2010-yillar teleseriallari
- 2010-yillar animatsion teleseriallari