Rusiä Su-24 oçqıçın bärep töşerü (2015)

Су-24М

Rusiä Su-24 oçqıçın Süriä çigendä bärep töşerü — 2015 yılnıñ 24 noyäberendä Törkiä hawa-xärbi köçläreneñ istrebitele F-16C "hawa-hawa" raketası yärdämendä Süriädäge Räsäy hawa köçläre törkemenä kergän Su-24M front bombağa totuçı oçqıçın bärep töşerä. Waqiğa 6000 m bieklektä Süriä-Törkiä çige rayonında bulğan, oçqıç Süriäneñ Lataqiä wiläyätendä töşkän.

Waqiğağa törle qaraşlar: Rusiä qaraşı — qızıl sızıq, Törkiä qaraşı — qaranğı sızıq

Bombağa totuçı oçqıçnıñ ekipajı katapultsiälänä, ekipaj komandirı Oleg Peşkov paraşütta cirgä utırtu waqıtında Süriä xökümätenä qarşı suğışçılar (Süriä törkmännäre) tarafınnan cirdän atıp üterelgän. Şturman kapitan Konstantin Muraxtin atış zonasınnan tış cirgä töşerelgän häm Räsäy häm Süriä maxsus köçläre yärdämendä "Xmeymin" hawa köçläre bazasına küçerelgän.

Ezläw-qotqaru operatsiäse barışında Räsäy diñgezçese Aleksandr Pozınıç häläk bula häm Mi-8 boralağı beterelä.

Waqiğa

Waqiğa irtänge säğät 10:24 (Mäskäw waqıtı) tä bula. Bärep töşerelgän oçqıç Süriä törkmännäre qorallı köçläre häm Süriä xökümäte köçläre arasında bäreleşlär rayonında, Törkmän Tawı yanında töşkän.

Qaraşlar

Törkiä Rusiäneñ bombağa totuçı oçqıçı ilneñ çigen bozuın belderä. NATO Rusiä oçqıçı Törkiä kiñlegenä kergänen raslıy.

Törkiä qaraşı

Törkiä yağı ike Rusiä oçqıçı Törkiä kiñlegenä kergänen belderä, Törkiä dispetçerı 10 tapqır kitü täläpläre belän kisätü cibärä. Berençe oçqıç Törkiä kiñlegennän kitkän, ä ikençe oçqıçı bärep töşerelgän.

Rusiä qaraşı

Rusiä qaraşı buyınça Törkiä istrebitele Rüsiä oçqıçın Süriä kiñlegendä bärep töşergän.

Näticälär

28 noyäberdä Vladimir Putin Törkiägä qarşı iqtisadi, xärbi, mädäni çikläwlärne kertä, vizasız tärtip 2016 yıldan tuqtatıla.

Süriädäge Räsäy xärbi-diñgez bazasında hawa höcümnärenä qarşı zamança caylanma S-400 urnaştırıla.

Komandir Oleg Peşkov RF Qaharmanı däräcäsenä layıq bula (ülgäç), diñgezçe Aleksandr Pozınıç Batırlıq Ordenına layıq bula (ülgäç), qotqarılğan şturman Konstantin Muraxtin Batırlıq Ordenına layıq bula.

Sıltamalar

• Төркия Сүрия чигендә Россия хәрби очкычын бәреп төшерде
• Авиационная группа ВВС России в Сирии на сайте МО РФ 2015 елның 17 декабрь көнендә архивланган.
• Военная операция России в Сирии // подборка материалов ИА
• Аксёнов П. (2015-10-29). Чего Россия добилась в Сирии за месяц бомбардировок?. Русская служба Би-би-си ]. 2015-10-29 тикшерелгән.

Xaritalar

• Карта контроля территорий от РИА Новости 2016 елның 5 март көнендә архивланган.
• Карта от РБК (ситуация по состоянию на 27 сентября). Источники данных: Institute for the Study of War, BBC, Минобороны РФ
• Карта контроля территорий от BBC World Service (ситуация на 10 июля).
• Карта авиаударов на сирийской территории от Institute of Study of War (по состоянию на 13 октября)