Әхмәдулла Әхмәтгалиев
| Әхмәдулла Әхмәтгалиев | |
|---|---|
 | |
| Туган телдә исем | Әхмәдулла Әхмәтгали улы Әхмәтгалиев |
| Туган | 1931 ССРБ, РСФСР, ТАССР, Актаныш районы, Усы |
| Үлгән | 2005 РФ, ТР, Мөслим районы, Мөслим |
| Милләт | татар |
| Ватандашлыгы |  ССРБ РФ |
| Әлма-матер | Татар дәүләт гуманитар-педагогика университеты һәм Минзәлә педагогика көллияте |
| Һөнәре | укытучы, төбәк тарихчысы |
| Бүләк һәм премияләре | ТАССР атказанган мәдәният хезмәткәре |
Әхмәдулла Әхмәтгалиев, Әхмәдулла Әхмәтгали улы Әхмәтгалиев (1931 ел, ССРБ, РСФСР, ТАССР, Актаныш районы, Усы — 2005 ел, РФ, ТР, Мөслим районы, Мөслим) — төбәк тарихын өйрәнүче, Мөслим районы тарихы турында беренче китап авторы, Татарстан АССР атказанган мәдәният хезмәткәре (1980).
Тәрҗемәи хәле
[үзгәртү | вики-текстны үзгәртү]
1931 елда ТАССР Актаныш районы Усы авылында туган. Минзәлә педагогика укуханәсен, Казан дәүләт педагогия институтының тарих-филология факультетын тәмамлаган.
Хезмәт юлы
[үзгәртү | вики-текстны үзгәртү]1950 елда Балык Бистәсе районы Югары Тегермәнлек җидееллык мәктәбендә эшли. Совет Армиясендә хезмәт итеп кайта. ТАССРның элекке Калинин районы мәктәпләрендә укытучы, ВЛКСМ райкомы сәркатибе булып эшли.
1959 елдан Мөслим районы укучылар йортының (беренче) директоры. 1959 елның 12 октябрендә элекке Калинин районы бетерелгәч, анда эшләгән пионерлар һәм укучылар йорты ТАССР мәгариф министрлыгы фәрманы нигезендә 1959 елның ноябрь аенда бөтен штатлары белән Мөслимгә күчерелә. Ул район мәдәният йортының икенче катындагы бүлмәләргә урнаштырыла. Ә. Ә. Әхмәтгалиев укучылар өчен күптөрле түгәрәкләр (автомодельче, судомодельче, фототүгәрәк, туризм, туган якны өйрәнү, үзешчән сәнгать, курчак театры), актив укулары, семинарлар, слет, смотр, конкурс, конференция, очрашулар оештыра.
1965—1991 елларда КПСС Мөслим район комитетының сәяси мәгариф кабинеты мөдире.
1991—1995 елларда Мөслим районы яшь туристлар станциясе директоры, методист. 1995 елдан пенсиядә.
Төбәк тарихчысы
[үзгәртү | вики-текстны үзгәртү]Яшь туристлар станциясе директоры булып эшләгәндә, Мөслим төбәге тарихын өйрәнүне башлап җибәрә. Район архивындагы, район мәктәпләре музейларындагы, матбугатта чыккан материалларны җентекләп өйрәнә, өлкән яшьтәге кешеләр белән очраша, тарихи китапларны өйрәнә, Казан, Уфа дәүләт архивларында эшли. Мөслим районының 70 еллыгына Мөслим төбәгенең тарихын язып өлгертә. Әлеге эш нәтиҗәсе булып, «Яр Чаллы типографиясе» дәүләт унитар предприятиесендә Мөслим төбәгенең беренче тарихы — «Мөслим төбәге. Тарихи сәхифәләр» китабы (2003) дөнья күрә.
|
Районыбызның үткәненә җан өргән Сезнең бу китабыгыз зур фәнни хезмәт тә, мөслимлеләргә кадерле бүләк тә. Шикләнмичә әйтергә мөмкин: башланган эшегезне яшьләр дәреслек кебек өйрәнерләр һәм дәвам итәрләр. Сезнең фидакарьлекнең бәһасе әнә шундый. Бу — зур бәхет! Фоат Садриев, язучы
|
|
Бүләкләре, мактаулы исемнәре
[үзгәртү | вики-текстны үзгәртү]Искәрмәләр
[үзгәртү | вики-текстны үзгәртү]- ↑ РСФСРның һәм Татарстан Республикасының атказанган мәдәният хезмәткәрләре. Мөслим гимназиясе укучылары сайты
Әдәбият
[үзгәртү | вики-текстны үзгәртү]- Фоат Садриев. Фидакарьлек (Автор турында берничә сүз). Китапта: Ә. Ә. Әхмәтгалиев. Мөслим төбәге. Тарихи сәхифәләр. Чаллы: «Яр Чаллы типографиясе» ДУП, 2003 ел, 227-228нче бит.
- Ф. Н. Баһаутдинов. Без Мөслим балалары. К.: «Идел-Пресс», 2006 ел, 502-503нче бит. ISBN 5-85247-005-4
Сылтамалар
[үзгәртү | вики-текстны үзгәртү]- Әхмәдулла Әхмәтгалиев. 2019 елның 24 март көнендә архивланган. Мөҗәһит Әхмәтҗанов сайты
- Әхмәдулла Әхмәтгалиев. 2019 елның 30 октябрь көнендә архивланган. «Әдипләр». Әхмәт Дусайлының шәхси порталы
