Daur cai
Daur cai (sacara husus dipikawanoh/katelah ogé daur hidrologis) nujul kana parobahan wujud antara cair, padet, jeung gas; sarta parobahan nu sinambung cai sajeroeun hidrosfir, antara atmosfir marcapada, lemah, cai lakop, cai taneuh, jeung tutuwuhan. Daurna bisa dibagi kana opat fase utama: évaporasi, présipitasi, infiltrasi, jeung runoff.
- Évaporasi sacara umum nyaéta pindahna cai tina awak cai lakop ka atmosfir, kaasup transpirasi tina tutuwuhan; antukna kadang sok disebut évapotranspirasi.
- Uap atmosfir bisa ngibun jadi awan, sarta ragrag salaku présipitasi. Ieu umumna lumangsung dina wujud hujan, tapi salju sarta wujud séjénna ogé kaasup. Présipitasi kadang lumangsung na sagara, sabab dina kaayaan normal, pagunungan perlu pikeun naratas kondensasi jeung ngabentukna awan.
- Infiltrasi/nyerep kana taneuh mangrupa alihan tina cai lakop jadi cai taneuh. Laju serep gumantung kana perméabilitas (daya serep) taneuh atawa batu sarta faktor-faktor séjén. Cai taneuh gerakna lambat pisan, sarta bisa balik deui jadi cai lakop atawa diteundeun dina aquifer dina mangsa réwuan taun.
- Runoff nyaéta rupa-rupa cara cai lakop ngumbara nepi ka sagara. Cai ngalir ngaliwatan walungan sarta nyangsang di situ. Teu sakabéh cai nyampurnakeun fase runoff, sabab bisa nguap saméméh nepi ka sagara.
Tumbu kaluar
[édit | édit sumber]- Daur Hidrologis Archived 2005-10-27 di Wayback Machine ti Earthscape Archived 2005-10-27 di Wayback Machine
- Daur Hidrologis Archived 2011-10-12 di Wayback Machine ti GROW Archived 2005-11-02 di Wayback Machine