Xhaferr Belegu
Xhaferr Belegu (Elbasan, 11 janar 1904 - 1 janar 1962) ka qenë historian dhe diplomat shqiptar.
Biografia
[Redakto | Redakto nëpërmjet kodit]U lind më 11 janar 1904 në Elbasan. Kreu shkollën e mesme "Naim Frashëri" në qytetin e lindjes. Mes viteve 1920 - 1928 kreu Akademinë Tregtare në Linz të Austrisë. Pas përfundimit të studimeve u kthye në Shqipëri.
Më 1938 u emërua kryekonsull i Shqipërisë në Bari, Itali, detyrë që e kreu deri më 1939. Më tej u transferua konsull në qytetin e Manastirit në Maqedoni. Pas pushtimit të Jugosllavisë nga nazistët, u kthye në atdhe.
U arrestua më 1945 si autor i veprës antijugosllave «Lidhja e Prizrenit e veprimet e sajë, 1878-1881». U lirua tre vjet më vonë më 1948. Ndërroi jetë më 1 janar të vitit të vitit 1962 në Elbasan.[1]
Vepra
[Redakto | Redakto nëpërmjet kodit]- Lidhja e Prizrenit e veprimet e sajë 1878-1881, Tiranë, 1939.
Përkthime
[Redakto | Redakto nëpërmjet kodit]- Ivan Turgenjev, Dashuni e parë, Korçë: Peppo et Marko, 1933.[1]
Referime
[Redakto | Redakto nëpërmjet kodit]- ^ a b Fjalor Enciklopedik i Viktimave të Terrorit Komunist I (A-Ç). Tiranë: Instituti i Studimit të Krimeve dhe Pasojave të Komunizmit. 2012. fq. 166. ISBN 978-9928-168-01-6.