skogkløver

Skogkløver skilles fra rødkløver ved smalere småblad og snaue beger.
.
Lisens: CC BY NC SA 3.0

Skogkløver er ei fleirårig 20–50 centimeter høg urt i erteblomfamilien med trekopla blad og raude blomar som sit saman i hovud. Planta liknar raudkløver, men blomane er friskare raude og øyreblada er spisse. Skogkløver er vanleg over store delar av Noreg.

Faktaboks

Vitskapeleg namn
Trifolium medium
Beskriven av
Carl von Linné
Raudlistestatus i Noreg
LC – Livskraftig

Skildring

Skogkløver er ei mattedannande 20–50 centimeter høg urt med trekopla blad. Dei raude blomane er 5-talege og einsymmetriske med oppbygging som er typisk for erteblomfamilien og sit saman i hovud. Frukta som vert danna er ein skolm som inneheld eitt eller få frø.

Utbreiing

Arten er vanleg over store delar av Noreg og veks i småskog og skogkantar nord til Troms.

Bruk

Skogkløver har i naturkartleggingsverkøyet Natur i Noreg (NiN) ei diagnostisk rolle i fleire naturtypar.

Systematikk

Nivå Vitenskapelig navn Norsk navn
Rike Plantae planteriket
Rekke Magnoliophyta dekkfrøete planter, blomsterplanter, dekkfrøingar
Klasse Eudicots tofrøbladete planter
Orden Fabales erteblomstordenen, erteblomordenen
Familie Fabaceae erteblomfamilien, erteblomstfamilien
Slekt Trifolium kløverslekta
Art Trifolium medium skogkløver

Systematikken følger Artsdatabankens inndeling (2024).

Les meir i Store norske leksikon

Eksterne lenkjer

Faktaboks

Vitskapeleg namn
Trifolium medium
Tidlegare vitskapleg namn
Trifolium flexuosum Jacq., Trifolium medium medium
Artsdatabanken-ID
102058
GBIF-ID
5358812

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg

Fagansvarleg for Kløverslekta

Unni Vik
Førsteamanuensis, OsloMet – storbyuniversitetet