پیسفک ساگر
![](http://upload.wikimedia.org/wikipedia/commons/thumb/c/c4/Pacific_Ocean.png/250px-Pacific_Ocean.png)
پیسفک ساگر دنیا دا سبھ توں وڈا سمندر یا ساگر اے ۔ ایہنوں پیسفک دا ناں اک پرتگیزی جہاز ران فرڈیننڈ میگلن نے دتا سی ۔ ایہدا مطلب اے پرسکون سمندر ۔ پیسفک ساگر زمین دے کُل رقبے دے اک تہائی حصے اُتے پھیلیا ہویا اے ۔ ایہدا کُل رقبا 17 کروڑ 97 لَکھ مربع کلومیٹر اے ۔ اُبھے توں لمے وَل بحیرہ بیرنگ توں لما ساگر دے درمیان 15 ہزار 5 سو کلومیٹر تے چڑھدے پاسے انڈونیشیا توں لے کے کولمبیا تے پیرو تک ایہدی لمبائی 19 ہزار 8 سو کلومیٹر اے ۔ پیسفک ساگر تے اٹلانٹک ساگر نوں پاناما نہر آپس وچ جوڑدی اے ۔ ایس سمندر دی لہندی حد آبنائے ملاکا اُتے ختم ہُندی اے ۔ زمین دا سبھ توں ڈونگھا تھاں ماریانا کھائی پیسفک ساگر وچ اے جیہدی گہرائی 10 ہزار 911 میٹر اے ۔ پیسفک ساگر دی اوسط گہرائی 4 ہزار 300 میٹر اے ۔ پیسفک ساگر وچ تقریبن 25 ہزار جزیرے نیں ۔ جیہڑے باقی سمندراں وچ موجود کُل جزیریاں دی تعداد توں وی ودھ نیں ۔
![](http://upload.wikimedia.org/wikipedia/commons/thumb/9/97/The_Earth_seen_from_Apollo_17.jpg/25px-The_Earth_seen_from_Apollo_17.jpg)