Emilio Teza
Pais di nashonalidat | Reino di Italia ![]() |
---|---|
Nòmber di dilanti | Emilio ![]() |
Fecha di nasementu | 14 sèptèmber 1831 ![]() |
Lugá di nasementu | Venezia ![]() |
Fecha di fayesimentu | 30 mart 1912 ![]() |
Lugá di fayesimentu | Padua ![]() |
Dunadó di trabou | University of Bologna, Q61942643, University of Pisa, University of Padua ![]() |
Miembro di | Accademia della Crusca, Lincean Academy, Academy of Sciences of Turin ![]() |
Emilio Teza (☆ 24 di sèptèmber 1831 na Venezia - † 30 di mart 1912 na Padua) tabata un lingwista, filólogo, poliglòt i traduktor italiano.
Biografia
[editá | editá fuente]Teza a nase na aña 1831 na Venezia. E ta kuminsa su karera komo bibliotekario na biblioteka Marciana na Venezia i biblioteka Laurenziana na Florenza. Despues di tabata dosente di literatura klásiko, oriental i romániko na varios universidat italiano e ta bira profesor di filologia indo-oropeo na Universidat di Bologna na 1860.
Banda di su obranan lingwistiko Teza a produsi numeroso tradukshon foi di diferente idioma, entre nan alemán, ingles, ruso, spaño, servio, português i sanskrit.
![](http://upload.wikimedia.org/wikipedia/commons/thumb/0/0c/Catecismo_Corticu_-_Title_page.jpg/175px-Catecismo_Corticu_-_Title_page.jpg)
Na yüli 1863 e ta skirbi Il Dialetto Curassesse, despues di a topa na Bologna den biblioteka di kardinal Mezzofanti ku e obra na Papiamentu di monseñor Martinus Niewindt (1796-1860), Catecismo Corticu pa uso di catolicanan di Curaçao (1837). Su estudio, ku ta kontene observashonnan gramatikal i leksikal, tabata e promé análisis sientífiko di Papiamentu moderno. Na 1864 esaki ta sali publiká den e revista "Politekniko" na Milano.
Na 1891 Teza ta bira miembro di e Akademia Nashonal di Lincei, un instituto sientífiko italiano fundá na 1603. Na su morto na edat di 80 aña na 1912, el a wòrdu deskribí komo "e poliglòt mas maravioso ku Italia a yega di posee". E munisipionan di Padua i Roma a dediká un kaya na su nomber.
Obranan (selekshon)
[editá | editá fuente]- Il dialetto curassesse, 1863.
- Rainardo e Lesengrino, Pisa 1869.
- Catechismo dei missionari cattolici in lingua algonchina, Pisa 1872.
- Traduzioni : Goethe, Voss, Groth, Puskin, Tennyson, Longfellow, Heine, Petofi, Burns, Milano, Hoepli, 1888.
- A proposito di canti popolari, Roma, Tip. Della Camera Dei Deputati, 1889.
Referensia
|