Veirariá obrièra d'Albi
La Veirariá obrièra d'Albi o VOA es une societat que produtz e comercializa de botelhas de veire. Son usina es situada dins la comuna d’Albi e emplegava prèp de 300 salariats en 2011. Aparten a Verallia (segond mai grand productor de botelha e pòts al monde), filiala del Grop Saint-Gobain.
Presentacion de la VOA
[modificar | Modificar lo còdi]La VOA, considerada coma lo « laboratòri industrial » de Verallia, s'especializèt dins lo desvolopament e la produccion de botelhas naut de gama e de pichonas serias, amb una granda flexibilitat industriala al mai naut nivèl.
L'usina fonciona a fuòc de contunh: fonciona jorn e nuèch, 24 oras sus 24 e 365 jorns per an. Una partida de son personal trabalha al ritme dels 3x8 amb 5 equipas de trabalh (sus de pòstes de trabalh comprenent las dimenjadas e jorns ferièrs).
L’usina prepausa mai d'unas tintas per la fabricacion de sas botelhas:
- 5 tintas de basas: fuèlhas mòrtas, canèla, verd, blanc e extrablanc.
- tintas de coloracions leugièras en feeder (blau, verd, fumat e una especiala: l’Extra Noir (extranegre)[1]).
La VOA en qualques chifras
[modificar | Modificar lo còdi]- Superfícia del site: 23 ectaras
- Prèp de 300 emplegats
- 1 usina de produccion
- 2 forns de fuòc de contunh, 6 linhas de fabricacion
- Capacitat: 170 000 t
- Mercat principals: vins, aperitius e alcoòls, begudas non alcoolizadas
- Exportacions: VOA expòrta prèp de 15 % dins una vintena de païses
- Chifra d'afars 2010: 97 000 000 €
- Investiment: prèp de 4 000 000 € per an
Un pauc d'istòria
[modificar | Modificar lo còdi]- 1895 : un grand movement de cauma esclatèt per motiu del licenciament de dos delegats syndicals. Fàcia a l'importància del movement lo proprietari de l’usina decidiguèt de barrar lo site e de licenciar totes los obrièrs. Lo conflicte blocat, l’idèa venguèt als veirièrs de crear lor pròpria usina.
Es amb lo sosten de Joan Jaurés (alara Deputat de Carmauç), qu'una souscripcion nacionale foguèt lançada per la Dépêche de Tolosa e La Petite République en mai aguèt fòrça donas solidàrias e individualas, a lo projecte se realizèt. La veireriá obrièra s’instalèt alara a Albi sus la carrièra de Cordas. La veireriá evoluèt alara cap a un estatut de cooperativa obrièra de produccion (SCOP) e malgrat de dificultats financièras, l’usina contunhèt de foncionar e a se modernizar.
- 1975 : una novèla usina fòrça modèrna foguèt bastida sus la zona industriala d’Albi / Sant Juèri. La VOA venguèt alara lo 4n productor francés de botelhas. Pasmens la securitat financièra de l’entreprisa èra pas encora realizada.
- 1989 : la VOA sortiguèt de l'estatut de cooperativa obrièra per venir una societat anonima amb directòri e conselh de vigilància.
- 19 de genièr de 1998 : la VOA venguèt filiala de Saint-Gobain.
Toutas las botelha son encastrada, al nivèl del fons de la botelha, d'una marca pausada al moment que pren forma dins lo mòtle. Aquela marca permet de conéisser l'origina de l’emballatge de veire quand es enviaat al client. Las botelhas fabricadas par la VOA son reconeissables mercé a la marca « VOΛ » sul fons o en bas de la botelha.
Qualitat, environament e securitat
[modificar | Modificar lo còdi]La VOA es un site fabricant de botelhas de veire destinadas al contacte alimentari amb quatre certificacions[2] :
- ISO 9001 (qualitat)
- ISO 14001 dempuèi julhet de 2002[3] (environament)
- 60 % del veire fabricat a la VOA es eissit del reciclatge.
- los descais son destriats (veire, fusta, fèrre, cartons, plastics, pelhas solhadas, descais de menatges…).
- los regèts atmosferics son captats (Poscas, NOX, SOX). La VOA es equipada, dempuèi 2008, d’un Electrofiltre que permet de devesir per 10 las emissions de poscas, SOX e metals pesucs.
- La VOA assuregura la seguida de la consomacion d’aiga e del tractament de las aigas usadas.
- ISO 22 000 (securitat alimentària)
- OHSAS 18001 (santat e securitat dels trabalhadors)
La VOA seguís lo metòde de gentioon japonés dels 5S (per Destriar, Estremar, Espolsar (descobrir las anomalias), Far evident, Èsser rigorós)
Vejatz tanben
[modificar | Modificar lo còdi]Bibliografia
[modificar | Modificar lo còdi]- (fr)Victor Rouquet, La Verrerie Ouvrière d'Albi, Contribution à l'étude des associations ouvrières de production, Subervie, Rodez, 1932 (Thèsi EHES, 222p.)
Referéncias
[modificar | Modificar lo còdi]- ↑ (fr)https://web.archive.org/web/20110528053225/http://www.voa.fr/web/fr/421-l-extra-noir-nouvelle-teinte.php - La teinte Extra Noir
- ↑ (fr)https://web.archive.org/web/20100502022630/http://www.voa.fr/web/fr/33-qualite-environnement-et-securite.php - Qualité, Environament e Securitat
- ↑ (fr)https://web.archive.org/web/20120229005638/http://www.voa.fr/web/fr/32-recyclage.php - Reciclatge
Ligams extèrnes
[modificar | Modificar lo còdi]- (fr)Site de la VOA