Sant Martin de Londras

Vila d'Occitània

Sant Martin de Londras
Saint-Martin-de-Londres

Geografia fisica

Coordenadas

43° 47′ 30″ N, 3° 43′ 57″ E

Superfícia

38,2 km²

Altituds
· Maximala
· Mejana
· Minimala

488 m
200 m
91 m

Geografia politica

França

Lodeva (de Montpelhièr abans 2009)

Canton
3432

Lodeva (capluòc dau canton de Sant Martin de Londras abans 2015)

Intercom
200022986

CC dau Grand Puòg de Sant Lop

Cònsol

Gérard Brunel
(2020-2026)

Geografia umana

Populacion
Populacion totala
(2018)

2 761 ab.

Evolucion de la populacion

2 787 ab.

Densitat

69,4 ab./km²

Autras informacions

Còde postal

34380

Còde INSEE

34274

Sant Martin de Londras (Saint-Martin-de-Londres en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Geografia

Toponimia

Las fòrmas ancianas son : Dunderas ab integre, après 1010, parrochia S. Martini en 1036-1061, ecclesiam S. Martini de Londres en 1088 (nom probablament alterat per una transcripcion mai recenta), parrochia S. Martini de Dundras en 1100, ecclesiam S. Martini de Dundres (varianta : Luntras) en 1101, ecclesiam S. Martini de Lundras, de Lundris en 1110, ecclesie S. Martini de Dundras en 1116, S. Martini de Lundrias en 1119, ecclesia S. Martini de Lundras en 1122, terminio S. Martini de Drundras, abans 1140, ecclesiam S. Martini de Lundras en 1146, parrochia S. Martini de Lundris en 1156, ecclesia S. Martini de Lundris, cap a 1160, de Dundris en 1158-1178, prior de Londras en 1175, castrum de Dundris en 1197, de S. Martino de Lundris, ecclesia S. Martini de Lundris, sense data [sègle XII ?], villa Dondras, au sègle XII, territorio de Lundris en 1228, villa S. Martini de Lundris en 1293, ville S. Martini de Londris en 1314, 1324, prior ecclesie S. Martini de Lundris, ville S. Martini de Lundris en 1320, prior S. Martini de Londris en 1392, Saint Martin de Londres en 1526, S. Martini de Lundris, de Luneris en 1529, de Lundris en 1550, S. Martin en 1622, St Martin de Londres en 1626, 1648, 1703, 1740-60, 1770-72 (mapa de Cassini)^[1].

Segon Dauzat e Rostaing, Sant Martin ven del nom latin de Martinus, avesque de Tors, evangelizator de la Gàllia^[2].

Londras (nom de país segon Hamlin)

Las fòrmas ancianas abans 1200 son : Dunderas, après 1010, ecclesiam S. Martini de Londres [nom alterat per una copia mai recenta] en 1088, de Dundras en 1100, de Dundres (varianta : Luntras) en 1101, de Dundras en 1107, de Lundras en 1110, de Lundris en 1110, de Dundras en 1116, de Lundrias en 1119, de Lundras en 1122, de Drundra, abans 1140, de Lundras en 1146, de Lundris en 1156, cap a 1160, de Londras en 1175, de Dundris en 1197, de Lundris, sense data [sègle XII ?], villa Dondras, au sègle XII. Segon Frank R. Hamlin, las fòrmas mai ancianas dau nom Londras concernisson Sant Martin de Londras. Aquelas fòrmas obligan a regetar l'etimologia per *lond- « fanga »^[3], prepausada mai que mai per Jean-Gabriel Gigot, Revue Internationale d'Onomastique XXVI, p. 284-292^[4]; de mai, aquela nocion es pas adaptada a la topografia [implicitament, la de Sant Martin de Londras]. Pr'aquò, l'influéncia daus derivats d'aqueu mot dins la lenga parlada (mai que la dau nom la capitala de l'Angletèrra) explica l'evolucion Dundras > Lundras. Londras ven probablament d'un tèma *Dund- de sens desconegut, amb un sufixe atòn -era o -ara , lo tot dau domèni dau preindoeuropèu; un derivat dau gallic dunum, « fortalesa » es improbable^[3]. Enlòc, Hamlin mòstra pas que sap que lo nom actuau occitan de Londras, sense determinant, es lo de la comuna dicha en francés Notre-Dame-de-Londres e pas de Sant Martin de Londras. Sense afirmar que que siá sus l'etimologia de Londras, un tèrme associat a la fanga, inadaptat per Sant Martin, es pas impossible per lo vilatge de Londras, situat sus una peninsula environada de rius, que tresplomba pas que de mens de 10 m.

Campmal

Lo Camp Mau (Camp-Mau, Camp-Mal en grafia mistralenca^[5]; Cammal en francés) - Hospicium seu mansus de Campo Malo en 1351^[6].

Istòria

Administracion

Lista dels cònsols successius
Periòde		Identitat	Etiqueta	Qualitat
2020	2026	Gérard Brunel
març de 2014	2020	Jean-Louis Rodier	UDI	retirat
març de 1989	2014	José Sorolla	divèrs esquèrra	conselhièr general (2001-2015)
març de 1971	1989	Étienne Souche	divèrs esquèrra	conselhièr general (1971-2001)
	1971
Totas las donadas non son pas encara conegudas.