Kochi (Índia)
|
Cochin
കൊച്ചി | |
|---|---|
 | |
| Geografia fisica | |
| Superfícia | 94,88 km² |
| Geografia politica | |
| país |  Índia |
| estat | Kerala |
| districte | districte d'Ernakulam |
| Geografia umana | |
| Populacion (2011) |
677 000 ab. |
Kochi (en malaialam: കൊച്ചി) es la ciutat pus poblada de l'Estat de Kerala, en Índia, e son pòrt principal. Se situa a 200 km al nòrd de sa capitala Thiruvananthapuram.
La vila se compausa de tres partidas principalas :
- la peninsula de Mattancheri o Fòrt Cochin, fàcia al larg, ont se tròban las zònas pus vièlhas de la vila,
- l'illa artificiala de Willington, construita dins los ans 1920 amb los produits de l'escavament de la baia que sa prigondor aumentèt,
- Ernakulam, la partida de la vila sus lo fèrm.
I a tanben doas autras illas menoras, l'illa de Bolghatty, ont se tròba lo Bolghatty Palace construit en 1744 per los Olandeses e transformat uèi en ostalariá, e l'illa de Vypin. Totas aquelas zònas son religadas entre elas per de ferries o de ponts.
Istòria
[modificar | Modificar lo còdi]
La vila profieitèt, al començament del sègle XV, del declin de Cranganore e se constituiguèt en pichon reialme. Aprèp l'arribada de Vasco de Gama sus la còsta de Malabar, los râja de Cochin, qu'èran puslèu favorables als Portugueses, los autorizèron a installar un establiment de comèrci. En 1530, sant Francés de Xavièr aquí installèt una mission. Lo periòde portugués foguèt dificil pels Josieus installats dins la region dempuèi de temps e dins la vila dempuèi la catastròfa de la Cranganore. Los Olandeses arribèron dins lo Malabar en 1595 e prenguèron lo contraròtle de la vila en 1663, li balhant un novèl periòde de bonança. Los Britanics la prenguèron en 1795, los Païses Basses la daissèron definitivament al Reialme Unit pel tractat entre Britanics e Olandeses de 1814 en cambi de l'illa de Banca.
Patrimòni
[modificar | Modificar lo còdi]Lo còr istoric de la vila se tròba dins lo quartièr de Fòrt Cochin sus la peninsula de Mattancheri.
Aquí se tròba lo palais del râja, nomenat Palais Olandés. Encara que construit vèrs 1555 pels Portugueses pel râja Virakeralavarma, los olandeses lo tornèron agençar un sègle pus tard per èsser lo palais del governador. Foguèt rendut al râja que lo faguèt decorar de pinturas de paret de primièra, fòrça ben conservadas, representant de scènas del Râmâyana.
Los carrelets chineses son una attraccion toristica tipica, rèsta probabla de l'expedicion chinesa de l'enuc Zheng He que passèt ala abans l'arribada dels Europèus. Se tròba tanben Fòrt Cochin, la vièlha sinagòga datant de 1568 e agrandida en 1760, e tanben la Catedrala de la Santa Crotz e la glèisa de Sant Francés.
Economia
[modificar | Modificar lo còdi]La majora partida de l'activitat economica de Cochin se passa dins lo quartièr d'Ernakulam.
Cochin a un aeropòrt còde AITA : COK.
Galariá
[modificar | Modificar lo còdi]-
Los filats chineses de Cochin -
Lo Cochin Port Trust sus l'illa de Willington -
Los carrelets chineses -
Rèstas de la colonializacion portuguesa -
Houseboat sus las Backwaters -
-
Carrièra de Cochin en 1913 -
Temple -
La Sinagòga de Paradesi
.jpg)
