Donasac (Rasés)

De pas confondre amb Donasac (País Cordés).

Vilatge d'Occitània

Donasac
Donazac

Donasac

Armas

Geografia fisica

Coordenadas

43° 04′ 41″ N, 2° 07′ 12″ E

Superfícia

5,06 km²

Altituds
· Maximala
· Mejana
· Minimala

388 m
280 m
203 m

Geografia politica

Lengadòc

Rasés

França

Limós

La Piège-au-Razès, en francés (Alanha abans 2015)

Intercom
200071926

CC del Limosenc

Cònsol

Jean-Pierre Mestre
(2020-2026)

Geografia umana

Populacion
Populacion totala
(2018)

110 ab.

Evolucion de la populacion

111 ab.

Densitat

19,96 ab./km²

Autras informacions

Gentilici

Donazacois (en francés)

Còde postal

11240

Còde INSEE

11121

Donasac (Donazac en francés) es una comuna lengadociana, situada dins lo departament d'Aude e la region d'Occitània, ancianament de Lengadòc-Rosselhon.

Geografia

Donazac e Puèg-salamon (?) son de vilatges situats sul travèrs de doás sèrras opausadas, separadas per un riu e d'orientacion èst-oèst, mai que mai sus un pompidor.

Perimètre del territòri

Comunas confrontantas de **Donasac**
Alanha		Rotièr

	Lopian	Paulinha

Toponimia

Donazac

Las fòrmas ancianas son : Donazagum seu Morciolum en 931, Donadac en 1162, Castrum de Donazaco..., Donasaco en 1232, Donezaccum en 1316, Donzacum en 1319, Donezacum en 1351, Dovezacum = Donezacum en 1377, Donnezac en 1594, Domnaza en 1277-1639, Donazac en 1647, Daunasac en 1665, Donazac en 1781 ^[1].
Donazac ven del nom latin d'òme, Donatius, ambe'l sufixe -acum ^[2], latinizacion del sufixe gallés -ācon. Donazac èra donc probablament una anciana granda propietat antica qu'aviá per mèstre Donatius (Donatus, que los Féniés supausan ^[3], conven pas formalament. I a un tipe Donasac, format sus Donatius, utilizable tanben per Donasac (País Cordés), e un tipe Donzac, format sus Domitius (Donzac (Brulhés), Donzac (Lanas)) : dins lo primièr cas, la vocala interiora a, plan mai solida, se sincòpa pas.

Puèg Salamon

Puèg Salamon es una anciana rectoriá de la diocèsi de Narbona. La glèisa, ancianament parroquiala, del vocable de Sant Ponç, ara [cap a 1900] es una annèxa de Donasac. Las fòrmas ancianas son : In Poiolo, in terminio de Frimiaco en 931, Villa Podii Salomonis en 1120, Sanctus Poncius de Podio Salomonis en 1198, Ecclesia de Podio Salomone en 1351, Puisalamou entre 1503 e 1589, Pech Salamon en 1594, Puysalamon en 1594, Pexalamou en 1672^[4].
Lo nom es format de l'eretièr del latin podium e d'un nom de persona. Salomon. La vocala de la sillaba centrala s'assimilèt a la primièra, cap als sègles XIV-XVI. Le nom *Frimiac, probablament d'un vilatge vesin desparegut, vengut benlèu del nom germanic Fremmo, ambe'l sufixe -acum, es debrembat.

Istòria

Entre 1790 e 1794, Pech Salamou (Puèg-salamon ?) foguèt annexat a Donazac ^[5]. Donazac e Puèg-salamon èran, çò sembla, doás parròquias ^[6]. Puèg-salamon es situat al nòrd-èst de la comuna e lo vilatge demòra una aglomeracion. Lo siti Cassini dona pas de populacion recensada per Puèg-salamon (aquí perqué la comunautat es supausada dejà annexada per sa vesina), mès la populacion fornida per Donazac en 1793, 171 abitants, es largament inferiora a la de 1800, 257 abitants ^[7], çò qu'es pas normal dins de talas proporcions. I a doncas una possibilitat que Puèg-salamon foguèsse estada comuna en 1793 e benlèu recensada, coma se fasiá sovent, ambe una autra comuna.

Administracion

Lista dels cònsols successius
Periòde		Identitat
març de 2001	(2026)	Jean-Pierre Mestre
	2001
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton d'Alanha; es ara del canton de La Piège-au-Razès (en francés), que se disiá de Bram abans lo 1èr de genièr 2016.