Cornanèl

Vilatge d'Occitània

Cornanèl
Cournanel

Castèl dels avesques d'Alet.

Armas

Geografia fisica

Coordenadas

43° 02′ 03″ N, 2° 14′ 06″ E

Superfícia

6,34 km²

Altituds
· Maximala
· Mejana
· Minimala

482 m
190 m
174 m

Geografia politica

Lengadòc

Rasés

França

Limós

La Region Limosenca (Limós abans 2015)

Intercom
200071926

CC del Limosenc

Cònsol

Alain Costes
(2020-2026)

Geografia umana

Populacion
Populacion totala
(2018)

722 ab.

Evolucion de la populacion

732 ab.

Densitat

102,37 ab./km²

Autras informacions

Còde postal

11300

Còde INSEE

11105

Cornanèl (Cournanel en francés) es una comuna lengadociana, situada dins lo departament d'Aude e la region d'Occitània, ancianament de Lengadòc-Rosselhon.

Geografia

Perimètre del territòri

Comunas confrontantas de **Cornanèl**
	Limós
Magria
		Alet

Toponimia

Las fòrmas ancianas son in comitatu Redense, in Corniliano, en 889, Cornelanellum, en 1036, Villa de Cornelanello... de Corneliano, en 1049, Cornellanellum, en 1050, De Cornelano, en 1082, Castrum Cornelianum, en 1119, Villa Comellianellum (comprene Cornelianellum, en 1162, Villa de Cornellano, en 1185, De Cornasello, de Coranello, en 1232, Cornanellum, en 1240-1246, Castrum de Tornanello (comprene Cornanello), en 1354, De Cormidella, en 1521, Cournanel, en 1571, Cornanel, en 1781 ^[1]. Dauzat explica que lo sufixe [-èl, vengut del] latin -ellum sèrv a destriar lo nom d'autres Cornelhan (del nom latin d'òme Cornelius e del sufixe -anum) e que la fòrma actuala ven d'una dissimilacion : *Cornelhanèl > *Cornenanel > Cornanèl ^[2]; en realitat, en seguent l'interpretacion de Dauzat, i auriá d'en primièr una assimilacion abans la dissimilacion : *CorneLH- > *CorneN-; de mai, totas las fòrmas ancianas que son pas de cacografias se pòdon interpretar en *Cornelhan, *Cornelhanèl e Cornanèl : lo tipe *Cornenanel es absent. Un nom que conten dejà doás -n- pòt dificilament n'ajustar una tresena, pr'amor de la dificultat d'articulacion. Es doncas pus simple de considerar que lo nom èra vengut long, *Cornelhanèl, e que se sincopèt, tanlèu lo sègle XIII, en *Corn(elh)anèl. Dins lo diccionari topografic de l'abat Sabarthès, i a pas un sol vilatge del nom de Cornelhan (mès benlèu que n'i aviá). I a solament un riu Corneilla (Cornelhan ?). Un nom de riu pòt pas venir dirèctament d'un nom de persona ambe sufixe, que correspond normalament a un nom d'anciana propietat. Cal doncas admetre que lo nom del riu *Cornelhan ven d'un nom de vilatge del meteis nom, qu'èra, siá Cornanèl, siá un autre vilatge prèp, situat sul riu o a costat. L'adopcion del sufixe -èl- sèrv a destriar lo nom del vilatge del nom del riu, o eventualament d'aquel autre vilatge ara disparegut, probablament situat dins la meteissa comuna. Cossí que siá, i aviá a Cornanèl o just a costat una villa galloromana qu'aviá per mèstre Cornelius.

Brasse (nom francés)

Ancian priorat dedicat a Sant Sarnin, molin e bòria. Las fòrmas ancianas son Villa Bracie, en 1120, Brassia, en 1176, Villa Beraciae, en 1224, Brassia, en 1240-1246, Molendinum... in terminali de Bratin, en 1318, Brassia, en 1344, Ecclesia Sancti Saturnini de Bressia... ecclesia parochialis de Bressia, en 1398, locus nunc inhabitabilis nuncupatus Brassa, en 1481, Brasse, en 1781 ^[3]. La grafia es Braça o Brassa.

Istòria

Entre 1790 e 1794, Brasse (nom francés) foguèt annexat a Cornanèl ^[4]. Brassa o Braça èra un priorat e una bòria sul bòrd d'Aude.^[5]

Administracion

Lista dels cònsols successius
Periòde		Identitat	Etiqueta
març de 2001	2020	Alain Costes	sense etiqueta
	2001
Totas las donadas son pas encara conegudas.

Abans la refòrma cantonala de 2014, aplicada en 2015, la comuna èra del canton de Limós; es ara del canton de la Région-Limouxine (en francés), donc de la Region Limosenca.