Yatirskogen

Yatirskogen
skog
Yatirskogen ved kanten av ørkenen.
Land	Israel
Distrikt	Sør
Koordinatar	31°20′33″N 35°3′42″E
Yatirskogen 31.3425°N 35.061666666667°E / 31.3425; 35.061666666667
Kart som viser Yatirskogen. Kart som viser Yatirskogen.
Wikimedia Commons: Yatir Forest

Yatirskogen (hebraisk יער יתיר) er ein skog i Israel, i sørsida av Hebron-fjellet, i utkanten av Negevørkenen. Skogen dekkjer eit areal på 30 kvadratkilometer og er den største planta skogen i Israel.

Historie

Yatir-reservoaret

Dei første trea vart planta i 1964 av Jewish National Fund etter initiativ frå Yosef Weitz. Skogen er kalla opp etter ein gammal levittisk by som låg her, Yatir, som det er nemnt i Gamletestamentet: «Etterkomarane av Aron, prestane, fekk desse byane: Hebron, fribyen for drapsmenn, med beitemarker, og Libna med beitemarker, Jattir og Esjtemoa med beitemarker» (Josva 21:13-14.)

Det er planta over fire millionar tre, hovudsakleg bartre som aleppofuru og sypress, men òg lauvtre som terebint, tamarisk, jujube, johannesbrød, oliven, fiken, eukalyptus og akasie, i tillegg til vindruer og forskjellig kratt. Yatirskogen har endra det tørre landskapet nord i Negev, trass i at mange ekspertar var pessimistiske. Det har vist seg å vere eit viktig økologisk verkemiddel for å hindre ørkenspreiing i høgdene nordaust for Beersheba.

Skogen ligg relativt høgt, mellom 400 og 850 meter over havet, i ein halvtørr region med ein årsnormalnedbør på 300-350 mm.

Sjå òg

• Skogar i Israel
• Jewish National Fund
• Yatir vingard

Kjelder

• Denne artikkelen bygger på «Yatir Forest» frå Wikipedia på engelsk, den 2. oktober 2014.
  • Wikipedia på engelsk oppgav desse kjeldene:

Bakgrunnsstoff

• Jewish National Fund Arkivert 2016-12-02 ved Wayback Machine.
• Weizmann Institute's Yatir Forest
• Weizmann Institute study suggests that rising carbondioksid levels might cause forests to spread into dry environments