Tsjekkoslovakia

	Československo
	Tidlegare land
	; ; Flagg
	Plasseringa til {{{kortnamn}}}Tsjekkoslovakia før og etter 2. verdskrig
Hovudstad	Praha
Språk	Tsjekkisk og slovakisk
Religion	Ingen offisiell
Styreform	Republikk
	President
- 1918-1935	Tomáš G. Masaryk (første)
- 1989-1992	Václav Havel (siste)
- 1935-1938, 1945-1948	Edvard Beneš
	Statsminister
- 1918-1919	Karel Kramář
- 1992	Jan Stráský
Historie
- Uavhengig frå Austerrike-Ungarn	28. oktober 1918
- Tysk okkupasjon	1939
- Frigjøring	1945
- Oppløysinga av Tsjekkoslovakia	31. desember 1992
	Areal
- 1921	140 446 km²
- 1993	127 900 km²
	Innbyggjarar
- 1921 est.	13 607 385
Folketettleik	96,9 /km²
- 1993 est.	15 600 000
Folketettleik	122 /km²
Valuta	Tsjekkoslovakisk koruna
I dag ein del av	Tsjekkia og Slovakia

Tsjekkoslovakia var ein stat i Europa som vart oppretta den 28. oktober 1918 av Tomáš Garrigue Masaryk som ein konsekvens av den fyrste verdskrigen. Tsjekkoslovakia vart oppretta på landområde frå det tidlegare keisarriket Austerrike-Ungarn. Det dreidde seg om dei historiske austerrikske landskapa Böhmen og Mähren, i tillegg til ein liten del av Schlesien. Frå Ungarn kom området som utgjer Slovakia etter 1993. Dei sudettyske områda av Böhmen, der det budde mest tyskarar, ynskte å vera ein del av Austerrike. Tsjekkoslovakiske styrkar marsjerte inn i området i 1918.

I 1938 vart dei sudettyske områda innlemma i Tyskland som fylgje av Münchenavtala. Mykje av det tsjekkiske forsvaret var bygd opp i området, så Tyskland kunne seinare lett ta resten av landet. Frå 1939 til slutten av den andre verdskrigen utgjorde den historisk austerrikske delen av området det tyske protektoratet Böhmen og Mähren. Slovakia vart gjort til ein eigen stat.

I 1945 vart Tsjekkoslovakia gjenoppretta under kontroll av Sovjetunionen.

I 1968 vart Tsjekkoslovakia invadert av Sovjetunionen, DDR og Folkerepublikken Polen, etter at landet hadde lagt seg på ein politisk reformkurs.

I den såkalla fløyelsrevolusjonen frå 16. november til 29. desember 1989 vart det kommunistiske styret forkasta, og Václav Havel vart innsett som president. Tsjekkoslovakia vart seinare oppløyst, og 1. januar 1993 inndelt i den nye staten Tsjekkia og det gjenoppretta Slovakia. Delinga av Tsjekkoslovakia er ofte vorte kalla ei «fredeleg skilsmisse», på grunn av at begge partar var samde om delinga.

Hovudstaden i Tsjekkoslovakia var Praha og mynteininga var tsjekkoslovakisk koruna.

Sjå òg

Tidlegare land

Kjelder

Bakgrunnsstoff

Commons har multimedium som gjeld: Tsjekkoslovakia