Skjerpiplerke
| Skjerpiplerke | |
 Skjerpiplerke | |
| Utbreiing og status | |
Status i verda:  LivskraftigStatus i Noreg: Livskraftig[1] Utbreiinga av Skjerpiplerke | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Erlefamilien Motacillidae |
| Slekt: | Anthus |
| Art: | Skjerpiplerke A. petrosus |
| Vitskapleg namn | |
| Anthus petrosus | |
Skjerpiplerke (Anthus petrosus) er ein fugl i erlefamilien som er 15,5–17 centimeter lang.
Ho er lett å forveksle med myrpiplerka og vasspiplerka som saman med skjerpiplerka inntil nyleg vart rekna som variantar av same arten.
Skjerpiplerka er ein kystfugl som hekkar i Europa nær hav frå Bretagne og Dei britiske øyane i sør, nordover kysten og rundt Fennoskandia.[2] Ho er standfugl lengst sør, men migrerer sørover frå Fennoskandia i september-oktober og kjem attende i mars-april.
Som dei fleste andre piplerker er ikkje skjerpiplerka mykje synleg på bakken, ho er mest mørkebrun på oversida og er kraftig spraglete mattgull på undersida. Ho har mørke bein, grå ytre stjertfjør og ganske langt mørkt nebb. Den mørke fjørdrakta er ei tilpassing til berg og fjære kor ho hekkar og overvintrar.
Lengst nord får skjerpiplerka ofte rosafarga undersida og bleikare hovud i sommardrakt enn lengre sør, noko som gjev desse fuglane større likskap til vasspiplerka. Skjerpiplerka er langt meir tilgjengeleg enn vasspiplerka.
Ho livbergar seg på insekt. Songen liknar heipiplerka si song, ei lang rekke av korte kvasse, tonar som skiftar motiv, vert utført først i stigande så i fallande flukt på stive vengjer.
Reiret er enkelt og ligg på marka, gøymt blant steinar og grastuver. Hoa legg oftast fem egg, rugetida er ca 14 døger. Etter klekking matar begge foreldre ungane i to veker til.
Kjelder
[endre | endre wikiteksten]- Denne artikkelen bygger på «Skärpiplärka» frå Wikipedia på svensk, den 29. mars 2006.
- Referansar
- ↑ Stokke BG; Dale S; Jacobsen K-O; Lislevand T; Solvang R; Strøm H (24. november 2021). «Fugler: Vurdering av skjærpiplerke Anthus petrosus for Norge. Norsk rødliste for arter 2021.». Artsdatabanken. Henta 13. mars 2022.
- ↑ «Artsdatabankens artsopplysningar». Artsdatabanken. 13. mars 2022. Henta 13. mars 2022.
Bakgrunnsstoff
[endre | endre wikiteksten]
Wikimedia Commons har multimedia som gjeld: Skjerpiplerke