Hopp til innhald

Deir Qaddis

Frå Wikipedia – det frie oppslagsverket
Deir Qaddis
دير قديس, Deir Qiddis, Dayr Qaddis
kommune
View of Deir Qaddis
Namneopphav: Helgenklosteret[1]
Land  Dei palestinske territoria
Guvernement Ramallah og al-Bireh guvernement
Koordinatar 31°56′58″N 35°02′44″E / 31.94944°N 35.04556°E / 31.94944; 35.04556
Areal 8,2 km²
Folketal 1 942  (2007)
Folketettleik 237 / km²
Borgarmeister Fares Ibrahim
Kart
Deir Qaddis
31°56′58″N 35°02′44″E / 31.949444444444°N 35.045555555556°E / 31.949444444444; 35.045555555556
Kart som viser Deir Qaddis.
Kart som viser Deir Qaddis.
Kart som viser Deir Qaddis.
Wikimedia Commons: Deir Qaddis

Deir Qaddis (arabisk skrift دير قديس) er ein palestinsk by i Ramallah og al-Bireh guvernement, sentralt på Vestbreidda, 16 kilometer vest for Ramallah.[2] I følgje Palestinsk statistisk sentralbyrå hadde byen eit folketal på kring 1 942 innbyggjarar i 2007.[3]

Historie

[endre | endre wikiteksten]

Deir Qaddis tyder «Helgenklosteter».[1] Den franske oppdagaren Victor Guérin vitja Deir Kaddis og fann ruinar av hus bygde med store blokker og fleire cisterner hogde ut i berget,[4] medan SWP (1882) noterte ruinane av eit kloster og ei grotte nær landsbyen, og at namnet på landsbyen indikerte at det hadde lege eit nonnekloster her.[5]

Landsbyen vart ein del av Det osmanske riket i 1517 i lag med resten av Palestina, og var i 1596 oppført i skattelister som Dayr Qiddis i Ramlah nahiya i Gazza liwa. Han hadde eit folketal på 11 hushaldningar, alle muslimar, og betalte skatt for kveite, bygg, sommaravlingar, olive- og frukttre, geiter og bikubar, og ei presse for oliven eller druer.[6]

I 1863 estimerte Guérin at Deir Kaddis hadde kring 350 innbyggjarar.[4] I 1883 skildra Palestine Exploration Fund i Survey of Western Palestine Deir el Kuddis som ei «lita grend på ei høgd, med hagar i nord [..] Det er ein brunn i aust.»[5]

Det britiske mandatet

[endre | endre wikiteksten]

I folketeljinga i 1922, utført av dei britiske mandatstyresmaktene, hadde Dair Qaddis eit folketal på 299, alle muslimar,[7] og dette auka i folketeljinga i 1931 til eit folketal på 368, framleis alle muslimar, i 82 hus.[8]

I 1945 var folketalet i Deir Qaddis 440 arabarar, med 8 224 mål land, i følgje ei offisiell landmåling.[9] 1 815 mål vart nytta for plantasjar og irrigert land, 1 069 mål for korn,[10] medan 8 mål var utbygd (urbant) land.[11]

Etter 1948

[endre | endre wikiteksten]

Etter den arabisk-israelske krigen i 1948, vart Deir Qaddis styrt av Jordan.

Deir Qaddis kom under israelsk okkupasjon i lag med resten av Vestbreidda etter seksdagarskrigen i 1967.

Kjelder

[endre | endre wikiteksten]
  1. ↑ 1,0 1,1 Palmer, 1881, s. 228
  2. ↑ The Case of Deir Qiddis landsby Arkivert 2007-12-15 ved Wayback Machine. Applied Research Institute - Jerusalem 10. november 2007.
  3. ↑ 2007 PCBS Census. Palestinsk statistisk sentralbyrå. s.114.
  4. ↑ 4,0 4,1 Guérin, 1875, s. 85
  5. ↑ 5,0 5,1 Conder og Kitchener, 1882, s. 297
  6. ↑ Hütteroth and Abdulfattah, 1977, s. 154.
  7. ↑ Barron, 1923, Table VII, Division Jaffa, Underdistrikt of Ramleh, s. 22
  8. ↑ Mills, 1932, s. 19
  9. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 66
  10. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 114
  11. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 164

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Deir_Qaddis&oldid=3412032»