Alun Davies

Alun Davies
Fødd	21. juli 1942 (82 år)
Fødestad	Wales
Alias	Daydo
Opphav	Storbritannia, Wales
Aktiv	Sidan 1963
Sjanger	Folkrock folk pop jazz skiffle
Instrument	Gitar, vokal
Tilknytte artistar	Cat Stevens Ronnie Lane Mark-Almond Band Jeremy Taylor Sweet Thursday
Plateselskap	Decca Fontana Island A&M CBS Polydor Atlantic
Verka som	Musikar låtskrivar vokalist produsent

Alun Davies (fødd 1943) er ein walisisk gitarist, studiomusikar, plateartist og komponist som vart kjend som gitarist for den engelske musikaren Cat Stevens, frå 1970 til 1977.

Før samarbeidet med Stevens var Davies med på å skriva, syngja og spela på to album: i 1963, med Jon Mark, (då kjent som John Michael Burchell) og i 1968, som medlem av bandet Sweet Thursday med Mark, klaverspelaren Nicky Hopkins, Harvey Burns og Brian Odgers, då folkrockmusikken framleis var i den spede byrjinga si. Då plateselskapet deira gjekk konkurs, vart Davies invitert til å bli med Cat Stevens som studiomusikar, som prøvde å endra stilen sin og avansera i musikkverda.

Davies si erfaring, liknande smak i den framveksande folkrock-sjangeren og evnar med gitar og stemme plasserte han i ei sentral rolle i karrieren til Stevens, noko som resulterte i hitlåtar og ei rekkje RIAA-sertifiserte gjennombrotsalbum. To slike album, Tea for the Tillerman og Teaser and the Firecat, dreiv Stevens til stjernestatus og ein fantastisk musikalsk karriere, og styrkte vennskapen mellom dei to mennene. Davies, som spelte inn eit soloalbum etter nokre år som musikar for Stevens, fann relativt liten kommersiell suksess på eiga hand, spesielt etter fleire år i den karismatiske skuggen til Stevens. Han heldt fram med å turnera med han og spelte inn på alle albuma hans bortsett frå eitt, inntil Stevens konverterte til islam og trekte seg tilbake frå popscena i 1977. Sidan den gong har mange plateboksar og samlealbum kome ut med Davies sitt gitararbeid og vokal på kvart album.

I slutten av 2005, då Stevens (no kjent som Yusuf Islam) kom tilbake igjen for å skriva og opptre, gjorde han det med vennskapeleg støtte frå venen og den mangeårige høgrehanda Davies, sjølv om det var gått nesten tre tiår, og dei to mennene hadde følgt ekstremt ulike vegar i mellomtida. Davies held fram med å opptre med Yusuf den dag i dag, i tillegg til å forfølgja andre musikalske prosjekt. Sjølv om han spelte på Yusuf si første comebackplate (An Other Cup, 2005), dukka han ikkje opp på Yusuf-plata Roadsinger (2009).

Diskografi

År	Album	Label
1963	Relax Your Mind	Decca Records LK 4547
1968	Sweet Thursday	Fontana Records/Tetragrammaton Records
1972	Daydo	CBS Records

Med Cat Stevens

• 1970 Mona Bone Jakon
• 1970 Tea for the Tillerman
• 1971 Teaser and the Firecat
• 1972 Catch Bull at Four
• 1974 Buddha and the Chocolate Box
• 1974 Saturnight
• 1975 Numbers (1975)
• 1976 Majikat - utgjeve i 2004
• 1977 Izitso
• 1978 Back to Earth

Med Paul Williams & Friends

• Paul Williams & Friends: In Memory of Robert Johnson (1973) (tilknytte artistar) «Terraplane Blues».

Med Mark-Almond

• 1973 73

Med Stevens som Yusuf Islam

• 2006 An Other Cup
• 2007 Yusuf's Cafe Sessions
• 2017 The Laughing Apple
• 2020 Tea for the Tillerman 2

Andre samarbeid

• 1977 Say It Ain't So – Murray Head – akustisk gitar på «Say It Ain't So», «Boats Away» og «Never Even Thought».
• 1979 See Me med Ronnie Lane
• 2004 Entre La jeunesse et la sagesse som gitarist med Kate and Anna McGarrigle

Kjelder

• Denne artikkelen bygger på «Alun Davies» frå Wikipedia på engelsk, den 11. april 2023.
  • Wikipedia på engelsk oppgav desse kjeldene: