Recording Industry Association of America
Recording Industry Association of America (RIAA) er ei USA-amerikansk bransjeforeining for musikkutgjevarar, som plateselskap og distribusjonsselskap.
RIAA blei grunnlagd i 1952 med hovudføremålet om å styra ein frekvensstandard for innspeling og avspeling av grammofonplater (RIAA-trinn). Organisasjonen har også delteke i vidare utvikling av lydopptakteknologi, som magnetband (brukt i spoleband og kassettar), CD og digital teknologi.
Organisasjonen er også med på å administrera lisensar og royalty for musikk. Han held greie på salet av album og singlar og om dei har oppnådd gull- eller platinaplater.
RIAA har gått sterkt ut mot piratkopiering av musikk. På 1980-talet hadde foreininga ein kampanje mot kopiering av musikkassettar. På 2000-talet har ho gått hardt ut mot fildeling av musikk verna av opphavsrett, mellom anna gjennom søksmål.
Kjelder
[endre | endre wikiteksten]- Denne artikkelen bygger på «Recording Industry Association of America» frå Wikipedia på engelsk, den 25. juni 2009.
Bakgrunnsstoff
[endre | endre wikiteksten]- www.riaa.com, offisiell nettstad