Delaware
Delaware | |||
delstat | |||
|
|||
Land | ![]() | ||
---|---|---|---|
Del av | det kontinentale USA, South Atlantic states | ||
Hovudstad | Dover | ||
Areal | 6 447 km² | ||
• land | 5 060 km² | ||
• vatn | 1 387 km² | ||
Folketal | 961 939 (2017) | ||
Folketettleik | 190 / km² | ||
Guvernør | John Carney | ||
Før innlemming | Kolonien Delaware | ||
Innlemma i USA | 7. desember 1787 | ||
Statsnummer | 1. | ||
Forkorting | DE | ||
![]() Delaware 39°00′N 75°30′W / 39°N 75.5°W | |||
Wikimedia Commons: Delaware | |||
Nettstad: delaware.gov |
Delaware er ein delstat ved austkysten av USA. Hovudstaden er Dover medan den største byen er Wilmington. Delstaten var den fyrste som vart innlemma i USA. Delaware er den nest minste av delstatane i USA, etter Rhode Island. Han grensar mot Maryland og Pennsylvania.[1]
![](http://upload.wikimedia.org/wikipedia/commons/thumb/f/f8/Chateau_country.jpeg/220px-Chateau_country.jpeg)
Geografi
Delaware utgjer den nordaustlege delen av Delmarva-halvøya som ligg mellom Chesapeake Bay og Delaware Bay. Området høyrer til den atlantiske kystsletta, og består av ei fruktbar, flat slette som sjelden når høgare enn 20 moh. Helt i nordvest hever låge åsparti seg opp til 134 moh. Delaware har temperert klima.[1]
Historie
Delstaten har namn etter Delaware-elva som igjen var kalla opp etter engelske Thomas West, 3. baron De La Warr. Dette namnet blei også brukt om lenapefolka som budde nord i området. I tillegg til lenape var nanticokefolket i sør eit viktig urfolk. Dei første europeiske innvandrarane var nederlandske handelsfolk som grunnla kolonien Zwaanendael i 1631.[2] Svenskar skipa Nya Sverige her i 1638.
Delaware var ein av dei tretten koloniane som tok del i den amerikanske revolusjonen som førte til sjølvstende for USA. Han var den første staten som ratifiserte den amerikanske grunnloven, den 7. desember 1787, og er dermed blitt kjend som den første amerikanske delstaten eller «The First State».[3]
Næringsliv
![](http://upload.wikimedia.org/wikipedia/commons/thumb/f/f6/Port-of-Wilmington-Delaware-1920s.jpg/220px-Port-of-Wilmington-Delaware-1920s.jpg)
Delstaten er hovudsakleg ein industristat, men vel halvparten av landarealet blir nytta til jordbruk. Dei viktigaste produkta er soyabønner, mais, asparges og fjørfe (broilerar). Industrien er konsentrert i og omkring Wilmington og omfattar mellom anna skipsverft, bilfabrikkar, kjemisk industri (Du Pont de Nemours) og bomullsindustri. Chesapeake and Delaware-kanalen, som går gjennom nordre delen av delstaten, har stor økonomisk tyding.[1]
Kjelder
- ↑ 1,0 1,1 1,2 «Delaware» (14. februar 2009). I Store norske leksikon. Fri artikkel henta 25. april 2015.
- ↑ «A brief history». State of Delaware.
- ↑ Sirevåg, Torbjørn. «Delawares historie» (25. november 2014). I Store norske leksikon.
- Delar av denne artikkelen bygger på «Delaware» frå Wikipedia på engelsk, den 25. april 2015.
Bakgrunnsstoff
![Spire](http://upload.wikimedia.org/wikipedia/commons/thumb/f/ff/Purple_geography_icon.svg/20px-Purple_geography_icon.svg.png)