Roosbrook
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:53° 3′ N, 9° 34′ O53° 3′ N, 9° 34′ O | |
|
| ||
Roosbrook (hoochdüütsch Rosebruch) is en Dörp in de Gemeen Visselhöövd in’n Landkreis Rodenborg, Neddersassen. De Oort billt binnen de Gemeen tohoop mit Hütthoff un Moordörp de polietsche Oortschop Roosbrook.
Geografie
[ännern | Bornkood ännern]De Oort liggt in de Lümbörger Heid. Dat Water ut dat Rebeed flütt över de Rodau af.
De Naveröörd sünd Bellen in’n Noorden, Moordörp in’n Noordoosten, Hartböhn un Rutenmöhl in’n Oosten, Drögenbossel, Hiddingen un Schwitschen in’n Süüdoosten, Hälßen un Bookholt in’n Süden, Hütthoff un Wittörp in’n Süüdwesten, Düüsternheid, Bretel un Nee-Bretel in’n Westen un Bootel in’n Noordwesten.
Historie
[ännern | Bornkood ännern]Roosbrook kummt 1363 toeerst in de Oorkunnen vör. De Naam von’n Oort kummt von Rodesbroke, also de Brook, in den de Bööm raadt worrn sünd. Mit de Bloom hett de Naam nix to doon.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Neenkerken in’n Kanton Soltau höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Oort hett fröher tohoop mit Affwinkel, Wööstenhoff, Bookholt un Hütthoff de Buurschop Bookholt billt. In dat 19. Johrhunnert hebbt denn Roosbrook un Hütthoff en egen Gemeen billt. 1928/1929 is tosätzlich noch Moordörp Deel von de Gemeen Roosbrook worrn. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem billt de Oort de Oortschop Roosbrook mit en egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 4 Füürsteden |
| 1812[2] | 40 |
| 1824[3] | 4 Füürsteden |
| 1848[4] | 45 Lüüd, 4 Hüüs |
| 1. Dezember 1871[5] | 44 Lüüd, 4 Hüüs |
| 1. Dezember 1885[6] | 36 Lüüd, 4 Hüüs |
| 1. Dezember 1905[7] | 68 Lüüd, 9 Hüüs |
| 1. Dezember 1910[8] | 101* |
| 1925[9] | 92* |
| 1933[9] | 139** |
| 1939[9] | 131** |
- * tohoop mit Hütthoff
- ** tohoop mit Hütthoff un Moordörp
Religion
[ännern | Bornkood ännern]Roosbrook is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Oortsvörsteihers
[ännern | Bornkood ännern]- opstunns: Volker Carstens
Kultur
[ännern | Bornkood ännern]Dat Dörp hett keen egen Vereen. De Lüüd maakt in de Vereens in de Naveröörd (Hemslingen, Söhlingen, Bookholt) mit.
Weertschop un Infrastruktur
[ännern | Bornkood ännern]För Roosbrook is de freewillige Füürwehr Bookholt mit tostännig.
Verkehr
[ännern | Bornkood ännern]Dör Roosbrook löppt de Kreisstraat 210, de in’n Noorden över Bellen na Brookel an de Bundsstraat 71 ran geiht un in’n Süden över Hütthoff un Bookholt na de Bundsstrat 440. De B 440 föhrt in’n Noordwesten över Wittörp na Rodenborg un in’n Süüdoosten över Visselhöövd un Oddingen na Derpmark. De B 71 geiht von Brookel in’n Noordwesten na Rodenborg un in’n Süüdoosten över Hemslingen un Söhlingen na Neenkerken un Soltau.
Von de K 210 geiht in Roosbrook na Noordoosten de K 223 af, de na Söhlingen an de B 71 föhrt.
De nächste Autobahn is de Autobahn 27 (Afsnidd Bremen–Wasra). De Opfohrt 27 Wasra-West liggt so 25 Kilometer in’n Süden von Roosbrook an de B 209. De Opfohrt 46 Derpmark op de Autobahn 7 (Afsnidd Hamborg–Hannover) liggt 26 Kilometer in’n Süüdoosten an de B 440.
De nächste Bahnhoff is so bi negen Kilometer wied weg in’n Süden de Bahnhoff Visselhöövd an de Bahnlien Ülzen–Langwedel.
Scholen
[ännern | Bornkood ännern]De Kinner ut Roosbrook sünd fröher in Moordörp na de Volksschool gahn. 1898 is de School na Roosbrook ümtagen un hett 1964 dichtmaakt. De Kinner ut Roosbrook sünd denn na de School in Hemslingen/Söhlingen wesselt. Von 1969 af an sünd de Kinner op de Grundschool Visselhöövd gahn.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 195
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 518
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Bleckwedel | Bookholt | Dreßel | Drögenbossel | Hiddingen | Jeddingen | Keernborg | Lürken | Nindörp | Oddingen | Roosbrook | Schwitschen | Visselhöövd | Wehnsen | Wittörp