Gemeen Visselhöövd

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Flach:

158,85 km²

Inwahners:

9747 (31. Dezember 2023)

70 m över de See

27374

04262

Koordinaten:52° 58′ N, 9° 35′ O52° 58′ N, 9° 35′ O

Grenzen bi OSM:

965606

Gemeenslötel:

03 3 57 051

Öörd in de Gemeen:

15

Börgermeester:

Ralf Goebel (ahn Partei)

Websteed:

www.visselhoevede.de

Koort

Kreis

Visselhöövd is en Stadt un Eenheitsgemeen in’n Landkreis Rodenborg (Wümm), Neddersassen, in de Lümbörger Heid. Se hett 9747 Inwahners (Stand 31. Dezember 2023).

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie

Visselhöövd liggt an’n Rand vun de Lüünborger Heid teemlich in de Mitt vun dat Städer-Dreeeck Bremen-Hamborg-Hannober. Dat Rebeet is mit ruchweg 107 km² landwertschopplich Flachen vör allen dör de Bueree prägt, ungefäähr 26 km² sünd mit Wooldflachen un üm un bi 5 km² Hoff- un Hüüsflachen. De dörsnittlich Hööch vun Visselhöövd is 70 m över NN. An’n hööchsten reckt de Höllbarg in’n Oortsdeel Drögenbossel mit 93,4 m. In’n Karnoort hett de Stroom Vissel sien Born un in’n Oortsdeel Hiddingen de Rodau.

Historie

De Gemeen Visselhöövd hett sik an’n 1. März 1974 mit de Gemeenreform in Neddersassen billt, as sik 14 Gemenen, de vörher al in de Samtgemeen Visselhöövd tohoopslaten weren, to een Eenheitsgemeen tohoopfunnen hebbt. Dat weren de Gemenen Bleckwedel, Bookholt, Dreßel, Drögenbossel, Hiddingen, Jeddingen, Lürken, Nindörp, Oddingen, Roosbrook, Schwitschen, Visselhöövd, Wehnsen un Wittörp. Tosätzlich is an’n sülven Dag de Gemeen Kedenborg ut’n Landkreis Soltau-Fambossel in’n Landkreis Rodenborg wesselt un ok Deel von de ne’e Gemeen worrn.

Politik un Verwalten

Oortsdeelen

Visselhöövd hett siet 1938 den Status vun en Stadt. De 14 Oortschoppen ümto weern 1974 dör de Rebeetsreform in de Gemeen inföögt. Ungefäähr de Hälft vun de Inwahners leevt in de Stadt sülvst, de annern verdeelt sik op de Dörper. Neven den Karnoort höört de folgend Dörper to de Eenheitsgemeen:

Gemeenraat

De Gemeenraat sett sik mit de Börgermeesterin ut 26 Raatsliddmaten tohopen. De Sitten verdeelt sik aktuell as folgt:

Partei	2016	2011	2006
CDU	10	12	13
SPD	7	9	10
Bündnis 90/De Grönen	3	4	2
FDP	1	1	1
WiV	3	–	–

Börgermeesters

An’n 10. September 2006 is Franka Strehse vun de SPD mit 55,78 % as Börgermeesterin wählt worrn.

Tied	Naam	Partei
1. März 1974-1. November 1981	Georg Twiefel
7. November 1981-29. April 1994	Richard Schunert
29. April 1994-27. November 1996	Jörg Radeloff
28. November 1996-31. Oktober 2001	Friedrich Dunecke
1. November 2001-31. März 2006	Jens Kullik
13. September 2006-31. Oktober 2014	Franka Strehse	SPD
1. November 2014-	Ralf Goebel	ahn Partei

Stadtdirekters

Tied	Naam
1972-2001	Erhard Grunhold

Wapen

Dat Wapen vun Visselhöövd wiest op sülvern Grund en swart Nagelspitzkrüüz, dat mit en golden Schöttel belegt is. Dorin is dat Hööft vun Johannes den Döper to sehn.

Dat Visselhöövd en Wapen harr un bruukt hett, is toeerst för dat Johr 1581 ünner Förstbischop Eberhard vun Holle nawiest. Dat Wapen hett en Bischop wiest. Düt Wapen hett de Stadt bet kort na’n Tweten Weltkrieg bruukt. In de Tied vör’n Krieg harr aver de Firma Kaffee Hag en Sammelalbum mit Wapenbiller rutbröcht. De Firma ünnerstütt hett dorbi Perfesser Otto Hupp. Dat Wapen to Visselhöövd weer mit Johannes den Döper un hett ganz anners utsehn as dat echte. As nu na’n Krieg de Wapens nee genehmigt warrn müssen, hett Visselhöövd en Andrag stellt, dat se dat ole Wapen von 1581 wieder bruken dröfft. Dat Neddersassische Staatsarchiv hett denn aver antert, dat dat Wapen ja ganz anners utsehn dee as dat in de Sammlung von Perfesser Hupp. So is dat kamen, dat de Heraldiker Gustav Völker en neet Wapen trechmaakt hett, dat denn von’n Stadtraad von Visselhöövd an’n 11. Juni 1948 beslaten worrn is. Dat Wapen is von dat Archiv genehmigt worrn un warrt bet vondaag bruukt.^[1]