Kampala
Dit Woort hett noch annere Bedüden: kiek dorför ünner (1948) Kampala.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.353.236 (Schätzung 2005) | |
| Hööchd: | 1.155 m över de See | |
| Vörwahl: | 041 | |
| Geograafsche Laag: | Koordinaten:0° 18′ N, 32° 38′ O0° 18′ N, 32° 38′ O | |
| Grenzen bi OSM: | 10546821 
| |
| UN/LOCODE: | UG KLA | |
| Börgermeester: | Haji Nasser Ntege Ssebagala | |
| ||
Kampala is de Hööftstadt vun Uganda. De Stadt hett üm un bi 1,35 Millionen Inwahners un is ok en Distrikt vun Uganda. Kampala liggt en poor Kilometer vun’n Viktoriasee weg.
Historie
[ännern | Bornkood ännern]Jüst as bi so vele Städer warrt seggt, dat Kampala jüst so as Rom op söven Bülten boot worrn is. Disse Bülten sünd ünner annern Nakasero, Makerere, Kampala, Namirembe un Kibuli.
Kampala is rundrüm üm de Feste vun Frederick Lugard wussen, de Lugard 1890 för de Britannsche Oostafrika-Kumpanie hett boon laten. De Naam kummt vun Kasozi K’Empala, wat Antilopen-Bült heet. Op den zentralen Nakasero-Bült in Kampala schöölt to de Tiet de Impala-Antilopen vun’n Kabaka, den König vun Buganda graast hebben. In’n April 1893 weih ünner Gerald Portal över Kampala dat eerste Maal de Union Jack un Uganda weer dormit Schutzrebeet vun Grootbritannien. Vun 1900 bet 1905 weer Kampala Hööftstadt vun dat Protektorat Uganda. 1962 hett Kampala denn wedder Entebbe as natschonale Hööftstadt aflööst. Veel vun de Stadt is tweislaan worrn, as an’n 11. April 1979 Kampala vun Rebellen innahmen worrn is, den Präsidenten Idi Amin to verdrieven un as denn in de nesten Johren Börgerkrieg weer, wat bet 1986 anduer.
Bevölkerung
[ännern | Bornkood ännern]Kampala liggt in dat Rebeet vun de Baganda, de de Spraak Luganda snackt. Se stellt den gröttsten Deel vun de Inwahners dor. Dorblangen gifft dat aver ok vele Minschen ut alle Volksgruppen vun Uganda un ok vele Asiaten un Europäers in de Stadt.
| Jahr | Inwahners |
|---|---|
| Zensus 1959 | 46.000 |
| Zensus 1969 | 330.700 |
| Zensus 1980 | 458.503 |
| Zensus 1991 | 774.241 |
| Zensus 2002 | 1.208.544 |
| Schätzung 2005 | 1.353.236 |
Kultur
[ännern | Bornkood ännern]Bowarken
[ännern | Bornkood ännern]Rund fief Kilometer rut ut dat Zentrum vun Kampala liggt de Kasubi-Gräver an de Hoima Road, wo de Kabakas vun Buganda liggt. In dat Mausoleum liggt de Kabakas Mutesa I., Mwanga II., Daudi Chwa II. un Mutesa II.
De Historie vun Uganda warrt in dat Natschonalmuseum vun Uganda wiest, dat veer Kilometer vun dat Zentrum weg an de Kira Road liggt. Afrikaansche Kunst is in de Nommo-Galeree an de Victoria Avenue to sehn.
Dat Natschonaltheater hett 1959 an de De Winton Road opmaakt un en Cineplex-Kino mit söss Saals liggt in de Wilson Road.
De Klockentoorn in de Merr vun den Verkehrskreisel Nsambya Road/Queen’s Way is 1953 to Ehren vun Königin Elisabeth II. boot worrn.
En Översicht över de Straten in Kampala is bi de List vun de Stratennaams in Kampala to finnen.
Ämter
[ännern | Bornkood ännern]De Regeren hett ehren Sitt an de Parliament Avenue, an de dat Parlament vun Uganda, Präsidentensitt, Justizminsterium, Buten- un Binnenminsterium liggt. Vör dat Parlament staht en groten Bagen, de Symbol för de Unafhängigkeit vun Uganda is. Dat Raathuus liggt in de Naverstraat Queen Mary’s Gardens. Dat Informatschoonsminsterium liggt in de Lugard Road, dat Amt för Wilddeertschutz vun Uganda hett sienen Sitt an de Kintu Road un de Touristinformatschoon sitt in de Parliament Avenue. An de Kimathi Road steiht dat Unafhängigkeitsdenkmal.
Dat Distriktgericht steiht in de Buganda Road, dat Hoge un dat Hööchste Gericht vun Uganda liggt an The Squre oder den Unafhängigkeitsplatz, den groten Platz vun Uganda.
Religion
[ännern | Bornkood ännern]Siet de 1870er Johren is Kampala Zentrum vun de christliche Mission in Uganda. Twischen de Städer Kampala un Jinja gifft dat elk Johr ene Marienpilgerfohrt mit bet to 300 Pilgers. De Namugongo-Märtyrerschrien twölf Kilometer noordoosten dat Zentrum al in den Distrikt Wakiso bewohrt de Överresten vun mehr as 20 Christen, de 1886 op Befehl vun Kabaka Mwanga lebennig verbrannt worrn sünd.
An Gottshüser gifft dat to’n Bispeel de röömsch-kathoolsche Rubaga-Kathedraal un de anglikaansche Namirembe-Kathedraal, de beid in’n Westen vun de Stadt liggt un Seet vun en Bischop sünd (kathoolsch Arzbischop vun Kampala un anglikaansch Bischop vun Uganda), de mohammedaansche Kibuli-Moschee op’n Kibuli-Bült, Sikh- un Hindu-Tempels un de eenzige Baha’i-Tempel in Afrika an de Gayaza Road op’n Kikaya-Bült. De is 1961 boot worrn.
Scholen
[ännern | Bornkood ännern]In Kampala hebbt de 1922 grünnte Makerere-Universität un de 1954 grünnte Technische Universität Kampala ehren Seet.
Medien
[ännern | Bornkood ännern]De Daagblääd The Monitor un New Vision warrt vun Kampala ut rutgeven.
Sport
[ännern | Bornkood ännern]De groten Stadien in Kampala sünd Nakivubo-Stadion un Mandela-Natschonalstadion. Ok dat Olympsche Komitee vun Uganda hett sienen Sitt in Kampala. Al siet 1909 hett Kampala enen Golfplatz, de oosten dat Zentrum in Kololo liggt (Kitante Road). Kampala hett ’n Reeg Footballmannschoppen in de Superliga vun Uganda:
Weertschop
[ännern | Bornkood ännern]In Kampala warrt ünner annern Möbel un Maschinendelen boot. Produkte ut de Landweertschop vun de Regionen üm de Stadt sünd ünner annern Koffi, Boomwull, Tee un Sucker. Kampala is Seet vun de East African Development Bank.
Wichtige Marktplätz sünd de Nakasero-Markt in de Market Street för Aaft, Grööntüüch un annern Kraam, de Owino-Markt an’n Nakivubo Place, de mehr för Kledaasch un annern Huusholtskroom is, un de Nakivubo-Markt twischen Nakivubi Road un Allen Road. Dat Craft Village is en Markt för Souvenirs un Kleenkunst, de an de De Winton Road liggt.
Op den Nakasero-Bült in zentrale Laag liggt hüüt en Hotel vun de Sheraton-Keed (Kampala Sheraton Hotel in de Ternan Avenue). Rundrüm liggt mit de Jubilee Gardens en Park. Annere grote Hotels sünd dat Nile Hotel International un dat Grand Imperial Hotel beid in de Nile Avenue.
Verkehr
[ännern | Bornkood ännern]De Överlandbus-Statschoon liggt an de Namirembe Road. Statschonen för de Matatus (Minibus) gifft dat glieks dorneven un ok an de Burton Street.
De internatschonale Flaaghaven in Uganda, de ok för Kampala tostännig is, is de Flaaghaven Entebbe 35 km vun Kampala af in Entebbe. De wichtigste Haven för Kampala is Port Bell, teihn Kilometer weg an’n Viktoriasee. De Ugandabahn, de vun Mombasa an’n Indischen Ozeaan över Nairobi na Uganda föhrt, hett en wichtigen Bahnhoff in Kampala, de liggt in de Rosebury Lane. Disse Bahn geiht ok noch wieder bet na Kasese binah an de Grenz to’n Kongo. Ok geiht bi Kampala en Siedenbahn af to’n Haven Port Bell. De Bahnstreken warrt aver blots noch för Göderverkehr bruukt.
Geografie
[ännern | Bornkood ännern]De Naverdistrikte sünd över den Viktoriasee trennt Mukono in’n Süüdoosten un ans överall de Distrikt Wakiso.
Klima
[ännern | Bornkood ännern]Dat Klima is dör de Laag an’n Äquater dat ganze Johr lang jümmer warm, wegen de Laag op 1155 Meter över NN aver nich hitt.
| Januar | Februar | März | April | Mai | Juni | Juli | August | September | Oktober | November | Dezember | Jahr | |
|---|---|---|---|---|---|---|---|---|---|---|---|---|---|
| Regen in mm | 45 | 60 | 125 | 170 | 135 | 75 | 50 | 85 | 90 | 100 | 125 | 105 | 1165 |
| Ø min. Temperatur in °C | 18 | 18 | 18 | 18 | 17 | 17 | 17 | 16 | 17 | 17 | 17 | 17 | 17,3 |
| Ø max. Temperatur in °C | 28 | 28 | 27 | 26 | 26 | 25 | 25 | 26 | 27 | 27 | 27 | 27 | 26,6 |
Börgermesters
[ännern | Bornkood ännern]- Sir Amir Maine (1950-1955)
- K. H. Dale (1955-1956)
- C. Lewis (1956-1958)
- C. E. Develin (1958-1959)
- S. W. Kulubya (1959-1961)
- B. Saben (1962)
- P. I. Patel (1963)
- P. N. Kavuma (1963-1965)
- W. Y. Nega (1965-1968)
- A G. Mehta (1968-1969)
- E. W. Nakibinge (1969-1971)
- George Franck Walusimbi Mpanga (1971-1982)
- Fred Ssemaganda (1982-1986)
- Joseph Wasswa Ziritwawula (1987-1989)
- Christopher Iga (1989-1997)
- Haji Nasser Ntege Ssebagala (1998)
- John Ssebaana Kizito (1999-2006)
- Haji Nasser Ntege Ssebagala (siet 2006)
Großer Text== Kiek ok ==
Weblenken
[ännern | Bornkood ännern]
- Historie vun Kampala (engelsch)
- Weegenkaart vun Kampala (engelsch)