Bahai-Andachtshuus Kampala
Erscheinungsbild
![](http://upload.wikimedia.org/wikipedia/commons/thumb/5/57/Bahai-uganda.jpg/220px-Bahai-uganda.jpg)
Dat Bahai-Andachtshuus Kampala is en Gottshuus vun de Bahai-Religion in de Stadt Kampala in Uganda. Dat is dat eenzige Andachtshuus vun de Bahai in Afrika. Den Grundsteen hebbt se in’n Januar 1958 leggt. Apen maakt hett dat Huus den 13. Januar 1961 op den Kikaya-Bült. Den Plaan för dat Bowark harr Mason Remey maakt.
De eerste Bahai-Gemeend in Uganda harr sik an’n 2. August 1951 tohoopfunnen. Dat weren allens Bahai ut Grootbritannien un den Iran, de den Bahai-Glöven na Afrika bringen wullen. Hüüt leevt üm un bi 105.000 Bahai in Uganda.
Dat Andachtshuus hett negen Ecken un negen Dören un is 38 Meter hooch. 800 Lüüd hebbt in dat Huus Platz to’n Beden.