Höörn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21775 | |
| Vörwahl: | 04756 | |
| Geograafsche Laag: | Koordinaten:53° 39′ N, 8° 53′ O53° 39′ N, 8° 53′ O | |
|
| ||
Höörn (hoochdüütsch Höring) is en Oort in de Gemeen Steenau (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt in dat Siedland ganz in’n Süden von Hadeln. Dat Water ut dat Rebeed warrt över Gravens na de Au, de Möh un na’n Haadler Kanaal hen afföhrt. Na Süden to is dat Naturschuulrebeed Holterborg an’n Beerster See.
De Naveröörd sünd de Steenauer Oortsdelen Glind un Lauendeel in’n Noorden, dat Steenauer Süderenn in’n Noordoosten, Möhdiek in’n Oosten, Ankloh mit’n Hoff Falkenborg in’n Süden, Beers un Holterborg in’n Süüdwesten, Flögeln in’n Westen un de Steenauer Westersied in’n Noordwesten.
Historie
[ännern | Bornkood ännern]As 1852 bet 1854 de Haadler Kanaal anleggt worrn is, is de Kanaal merrn dör Höörn leggt worrn.
Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Steenau von dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln, de 1932 Deel von’n grötteren Kreis Land Hadeln worrn is. Siet 1977 höört de Oort to’n Landkreis Cuxhoben.
De Oort höört al von öllers bi de Gemeen Steenau mit bi.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 161 Lüüd, 31 Hüüs |
| 1. Dezember 1871[2] | 221 Lüüd, 44 Hüüs |
| 1. Dezember 1885[3] | 203 Lüüd, 46 Hüüs |
Religion
[ännern | Bornkood ännern]Höörn is evangeelsch-luthersch präägt un höört to dat Kaspel von de Johannes-Kark in Steenau.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Höörn is de freewillige Füürwehr Steenau mit tostännig.
Verkehr
[ännern | Bornkood ännern]Dör den Westdeel von Höörn löppt de Landsstraat 117, de in’n Noorden över de Westersied, Helmworth un Neenkarken na de L 118 un wieder na Oterndörp geiht un in’n Süden na Beers an de Landsstraten L 119 un L 120. De Straat von Höörn na Steenau is as Kreisstraat 19 utwiest. Se föhrt dor an de L 144, de in’n Noordoosten över Godshem un Bülkau na Neehuus föhrt. En lüttjere Straat föhrt von Höörn na Ankloh.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 17 Kilometer in’n Westen von Höörn an de L 120.
De nächste Bahnhoff is so bi 20 Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg. Von 1896 bet 1968 hett dat ok op de Bahnlien Bremerhoben–Beers Personenverkehr geven. De Bahnhoff Beers weer in düsse Tied fiev Kilometer wied weg in’n Süüdwesten.
Scholen
[ännern | Bornkood ännern]De Kinner ut Höörn gaht na de Grundschool Siedland in Helmworth. Fröher hett dat in Höörn en lüttje Volksschool geven.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
