ကျောက်ပန်းတောင်းမြို့
| ကျောက်ပန်းတောင်းမြို့ | |
|---|---|
| မြို့ | |
| နာမည်ပြောင်(များ): စကားဝါမြေ (အင်္ဂလိပ်: The Land of Bright Yellow Michelia Champaca) | |
  ကျောက်ပန်းတောင်းမြို့ | |
| ကိုဩဒိနိတ်: 20°50′N 95°8′E / 20.833°N 95.133°E | |
| နိုင်ငံ |  မြန်မာ |
| တိုင်းဒေသကြီး | မန္တလေး |
| ခရိုင် | ညောင်ဦး |
| မြို့နယ် | ကျောက်ပန်းတောင်းမြို့နယ် |
| ကျောက်ပန်းတောင်းရွာ | ပုဂံခေတ် |
| ကျောက်ပန်းတောင်းမြို့ | ဩဂုတ်လ ၃၁ ရက်၊ ၁၉၇၂ [၁] |
| လူဦးရေ (၂၀၁၄) | ၄၂,၈၁၇ [၂] |
| အချိန်ဇုန် | မြန်မာစံတော်ချိန် (UTC+6:30) |
ကျောက်ပန်းတောင်းမြို့သည် မြန်မာနိုင်ငံအလယ်ပိုင်း ညောင်ဦးခရိုင် ကျောက်ပန်းတောင်းမြို့နယ်အတွင်း မြို့အုပ်ရုံးစိုက်ရာမြို့ ဖြစ်၏။ မြင်းခြံမြို့မှ ၅၈ မိုင် ဝေး၏။ မြို့မှာ စတုရန်း ၂ မိုင်ခန့် ကျယ်ဝန်း၍ ၁၉၅၃-ခုနှစ် သန်းခေါင်စာရင်းအရ လူဦးရေ ၅၄၈ဝ ခန့်ရှိသည်။ လူများသည် တောင်သူလုပ်ငန်းဖြင့် အဓိက အသက် မွေးမြူကြသည်။ ထိုမြို့နယ်မှ ထန်းလျက်၊ မြေပဲ၊ နှမ်း၊ ဆီ၊ မန်ကျည်းသီး၊ ဩဇာသီး၊ နဂါးမောက်သီး နှင့် သနပ်ခါးခေါက်များ အများအပြား ထွက်လေသည်။
သမိုင်းကြောင်း
[ပြင်ဆင်ရန်]ပုဂံပြည် အနော်ရထာမင်း တည်ခဲ့သော မြို့ဖြစ်၍ အနော်ရထာမင်းသည် နောင်တော် စုက္ကတေးမင်းအား စစ်သည်ဗိုလ်ပါ စုဆောင်းကာ ဤအရပ်မှ တော်လှန် အောင်မြင်ခဲ့လေ၏။ သို့ဖြင့် မမေ့အပ်သောအရပ် ဖြစ်သည့်အတိုင်း မြို့ရွာ တည်ဆောက်ပေးခဲ့သည်။ ကျောက်ပန်းတောင်းမြို့တွင် မြေပြင်မှ ပေ ၆ဝ၊ ၇ဝ ခန့် မြင့်မား၍ ပန်းတောင်းပုံသဏ္ဌာန်ရှိသော ကျောက်စိုင်ကျောက်တုံးများ သဘာဝအလျောက် စီရရီ ဖြစ်ပေါ်လျက် ရှိသည်။ ထိုကျောက်စိုင်များကို အစွဲပြု၍ ကျောက်ပန်းတောင်းဟု အမည်တွင်ဟန်တူသည်။ အချို့ကျောက်တုံး များပေါ်တွင် စေတီများ တည်ထားကိုးကွယ်ထားကြသည်။
ထင်ရှားသောနေရာများ
[ပြင်ဆင်ရန်]ထင်ရှားသောစေတီများမှာ မြရွှေဂူနှင့် ရွှေတောင်ဦး ဖြစ်သည်။ မြို့၏အရှေ့မြောက်ယွန်းတွင် ရှိသော ပေ ၄၉၈၁ မြင့်သည့် ပုပ္ပါးတောင်နှင့် ခရီး ၈ မိုင်ခန့်သာ ဝေးပြီး တောင်တက်စခန်းများလည်း ရှိသည်။
မုန့်ပြားသလပ်သည် ကျောက်ပန်းတောင်းမြို့၏ အဓိကသရေစာဖြစ်သည်။ ကျောက်ပန်းတောင်းအာလူးကြော်နှင့် ထန်းလျက်မှာလည်း နာမည်ကျော်ကြားသည်။[၃]
ပို့ဆောင်ဆက်သွယ်ရေး
[ပြင်ဆင်ရန်]ပျဉ်းမနားမြို့မှ ကျောက်ပန်းတောင်းသို့ မီးရထားလမ်းခွဲ ရှိသည့်အပြင် ညောင်ဦး၊ မြင်းခြံ၊ မိတ္ထီလာမြို့၊ မကွေးမြို့များ/ဆင်ဖြူကျွန်းမြို့ မင်းဘူမြို့များသို့ လည်း မော်တော်ကားလမ်းများဖြင့် ဆက်သွယ်လျက်ရှိလေသည်။
ယခုအခါ ရန်ကုန်၊ မန္တလေး၊ ငါ့သရောက်မြို့တို့ အပါအဝင် အခြားမြို့များသို့ တိုက်ရိုက် အဆင့်မြင့်သယ်ယူပို့ဆောင်ရေးကား (Express) များ ဖြင့်လည်း တိုက်ရိုက် သွားလာနိုင်ပြီဖြစ်သည်။
ကိုးကား
[ပြင်ဆင်ရန်]- ↑ https://web.archive.org/web/20190713093514/http://www.mdyregion.gov.mm/images/pdf/kyaukpadaung.pdf
- ↑ https://www.citypopulation.de/en/myanmar/cities/
- ↑ မြန်မာ့စွယ်စုံကျမ်း၊ အတွဲ(၂)
မြို့တော် : မန္တလေးမြို့ မြို့နယ်ပေါင်း : (၂၈) မြို့နယ် | ||
| မဟာအောင်မြေခရိုင် (၄) မြို့နယ် |  | |
| အောင်မြေသာစံခရိုင် (၃) မြို့နယ် | ||
| အမရပူရခရိုင် (၁) မြို့နယ် | ||
| ပြင်ဦးလွင်ခရိုင် (၁) မြို့နယ် | ||
| သပိတ်ကျင်းခရိုင် (၃) မြို့နယ် | ||
| ကျောက်ဆည်ခရိုင် (၃) မြို့နယ် | ||
| တံတားဦးခရိုင် (၂) မြို့နယ် | ||
| မြင်းခြံခရိုင် (၃) မြို့နယ် | ||
| ညောင်ဦးခရိုင် (၂) မြို့နယ် | ||
| ရမည်းသင်းခရိုင် (၂) မြို့နယ် | ||
| မိတ္ထီလာခရိုင် (၄) မြို့နယ် | ||
| မြို့များ |
| |
