ဆီမီးခုံမြို့
| ဆီမီးခုံ | |
|---|---|
| မြို့ | |
  ဆီမီးခုံ | |
| ကိုဩဒိနိတ်: 21°43′58.9″N 95°25′4.6″E / 21.733028°N 95.417944°E | |
| နိုင်ငံ |  မြန်မာ |
| တိုင်းဒေသကြီး | မန္တလေး |
| ခရိုင် | မြင်းခြံ |
| မြို့နယ် | မြင်းခြံ |
| အချိန်ဇုန် | မြန်မာစံတော်ချိန် (UTC+6:30) |
ဆီမီးခုံမြို့ သည် မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်ရှိ မြို့ဖြစ်သည်။ယခင်က ဆီမီးခုံကျေးရွာအုပ်စုရှိ ဆီမီးခုံကျေးရွာဖြစ်ပြီး ၂၀၁၈ခုနှစ် ဩဂုတ်လ ၁၀ရက်နေ့တွင် ရပ်ကွက်(၄)ခုပါဝင်သော မြို့အဖြစ် တိုးချဲ့ဖွဲ့စည်းခဲ့သည်။[၁]၂၀၂၀ပြည့်နှစ်တွင် ဆီမီးခုံမြို့၌ လူဦးရေ ၅,၀၅၅ဦးရှိသည်။[၂]ဆီမီးခုံဟုဆိုသော်လည်း ဒေသခံများနှင့် ပတ်ဝန်းကျင်အရပ်များကမူ ဆမိတ်ခုံဟု ခေါ်ဝေါ်ကြသည်။[၃]
ပထဝီဝင်အနေအထား
[ပြင်ဆင်ရန်]တည်နေရာနှင့် အကျယ်အဝန်း
[ပြင်ဆင်ရန်]ဆီမီးခုံမြို့သည် မြင်းခြံမြို့နယ်၏ မြောက်ဘက်ပိုင်း ဧရာဝတီမြစ်ဘေးတွင် တည်ရှိသည်။
လူဦးရေ
[ပြင်ဆင်ရန်]အထွေထွေအုပ်ချုပ်ရေးဦးစီးဌာန၏ နှစ်စဉ်အချက်အလက်များအရ ဆီမီးခုံမြို့တွင် ၂၀၂၀ပြည့်နှစ်၌ လူဦးရေ ၅,၀၅၅ဦးရှိသည်။ဗမာလူမျိုးများ အများဆုံးနေထိုင်ကြပြီး ဗုဒ္ဓဘာသာကို အများဆုံး ကိုးကွယ်ကြသည်။
စီးပွားရေး
[ပြင်ဆင်ရန်]မြို့သာစက်မှုဥယျာဉ်စီမံကိန်း၏ ပထမအဆင့်အဖြစ် ဆီမီးခုံတွင် နိုင်ငံတကာအဆင့်မီ ဆိပ်ကမ်းတစ်ခုတည်ရှိသည်။မြို့သာစက်မှုဥယျာဉ် ဖွံ့ဖြိုးလာပါက ဆီမီးခုံတွင်လည်း စီးပွားရေးဖွံ့ဖြိုးလာမည်ဖြစ်သည်။[၄]
ပို့ဆောင်ဆက်သွယ်ရေး
[ပြင်ဆင်ရန်]ဆီမီးခုံမြို့ရှိ ဆီမီးခုံဆိပ်ကမ်း (ဧရာဝတီ)မှာ သင်္ဘောကြီးများ ဆိုက်ကပ်နိုင်သည့် အဆင့်မီဆိပ်ကမ်းတစ်ခုဖြစ်သည်။ရန်ကုန် သီလဝါဆိပ်ကမ်းနှင့် မန္တလေး ဆီမီးခုံဆိပ်ကမ်းတို့အကြား ရေကြောင်းသယ်ယူပို့ဆောင်မှု ရှိသည်။[၅]လက်ရှိတွင် မြင်းခြံ-ဆီမီးခုံလမ်း၊ နဘူးအိုင်-ဆီမီးခုံလမ်းတို့မှ သွားလာနိုင်သည်။[၆]မြို့သာစက်မှုဥယျာဉ်၏ အဓိကလမ်းမကြီးများအနက် တစ်ခုအပါအဝင်ဖြစ်သည့် တံတားဦး-မြို့သာ-ဆီမီးခုံဆိပ်ကမ်းလမ်းမကြီးမှာ ဖောက်လုပ်နေဆဲဖြစ်သည်။ထိုလမ်းမကြီးပြီးစီးပါက မန္တလေးမြို့၊ ရန်ကုန်-မန္တလေးအမြန်လမ်းမကြီးများနှင့် အချိန်တိုအတွင်း ဆက်သွယ်နိုင်မည်ဖြစ်သည်။[၇]
ပညာရေး
[ပြင်ဆင်ရန်]ဆီမီးခုံမြို့တွင် အထက်တန်းကျောင်း တည်ရှိသည်။အသက်(၁၅)နှစ်အထက်လူဦးရေ၏ စာတတ်မြောက်နှုန်းမှာ ၉၇.၀၈ရာခိုင်နှုန်းရှိသည်။
ကျန်းမာရေး
[ပြင်ဆင်ရန်]ဆီမီးခုံမြို့တွင် (၂၅)ကုတင်ဆံ့ တိုက်နယ်ဆေးရုံရှိသည်။
ထင်ရှားသောနေရာများ
[ပြင်ဆင်ရန်]ဆီမီးခုံမြို့တွင် နှစ်(၁၅၀)ကျော်သက်တမ်းရှိ ယွန်းကျောင်းဟုခေါ်သော ရှေးဟောင်းဘုန်းကြီးကျောင်းနှင့် မြို့၏ အရှေ့နှင့်အနောက်ကို ဆက်သွယ်ပေးသော ကျွန်းတံတားကြီးများ တည်ရှိသည်။[၁]
ကိုးကား
[ပြင်ဆင်ရန်]- ↑ ၁.၀ ၁.၁ မြင်းခြံ ဆီမီးခုံရှိ ရှေးဟောင်းအဆောက်အဦ ၂ ခု၊ ပြည်ထောင်စုဘတ်ဂျက် ဖြင့်ပြုပြင်ထိန်းသိမ်းမည်။
- ↑ မြင်းခြံခရိုင်၊ မြင်းခြံမြို့နယ်၏ ဒေသဆိုင်ရာအချက်အလက်။ အထွေထွေအုပ်ချုပ်ရေး ဦးစီးဌာန။ 7 November 2021 တွင် မူရင်းအား မော်ကွန်းတင်ပြီး။
- ↑ တလုပ်မြို့သားတွေနဲ့ စစ်တပ်နဲ့ ဧပြီ ၂၀ ရက် အပြန်အလှန်ပစ်ခတ်မှု။
- ↑ မြို့သာစက်မှု ဥယျာဉ်စီမံကိန်းမှ ဆီမီးခုံ နိုင်ငံတကာအဆင့်မီ သင်္ဘောဆိပ်ကမ်း တည်ဆောက်ပြီးစီး။ 7 November 2021 တွင် မူရင်းအား မော်ကွန်းတင်ပြီး။ 7 November 2021 တွင် ပြန်စစ်ပြီး။
- ↑ ရန်ကုန်မြို့ သီလဝါဆိပ်ကမ်းမှ အထက်မြန်မာပြည် ဆီမီးခုံဆိပ်ကမ်းသို့ ရေကြောင်းမှ ကုန်သေတ္တာဖြင့် သယ်ယူပို့ဆောင်နိုင်ရန် ရှေ့ပြေးလုပ်ငန်းများ စတင်။
- ↑ မြင်းခြံမြို့နယ်၊ နဘူးအိုင်-ဆီမီးခုံလမ်း ကတ္တရာလမ်းခင်းခြင်းအား ကွင်းဆင်း ကြည့်ရူ့မှု သတင်း။
- ↑ မန္တလေး မြို့သာစက်မှုဥယျာဉ်နှင့် ရန်ကုန်-မန္တလေး အမြန်လမ်းမကြီးကို တိုက်ရိုက်ဆက်သွယ် သွားလာနိုင်မည့် တံတားဦး-မြို့သာ-ဆီမီးခုံ ဧရာဆိပ်ကမ်းလမ်းပိုင်း စတင်ဖောက်လုပ်။
မြို့တော် : မန္တလေးမြို့ မြို့နယ်ပေါင်း : (၂၈) မြို့နယ် | ||
| မဟာအောင်မြေခရိုင် (၄) မြို့နယ် |  | |
| အောင်မြေသာစံခရိုင် (၃) မြို့နယ် | ||
| အမရပူရခရိုင် (၁) မြို့နယ် | ||
| ပြင်ဦးလွင်ခရိုင် (၁) မြို့နယ် | ||
| သပိတ်ကျင်းခရိုင် (၃) မြို့နယ် | ||
| ကျောက်ဆည်ခရိုင် (၃) မြို့နယ် | ||
| တံတားဦးခရိုင် (၂) မြို့နယ် | ||
| မြင်းခြံခရိုင် (၃) မြို့နယ် | ||
| ညောင်ဦးခရိုင် (၂) မြို့နယ် | ||
| ရမည်းသင်းခရိုင် (၂) မြို့နယ် | ||
| မိတ္ထီလာခရိုင် (၄) မြို့နယ် | ||
| မြို့များ |
| |
| ပြည်နယ်များ |  | |
|---|---|---|
| တိုင်းဒေသကြီးများ | ||
| ကိုယ်ပိုင်အုပ်ချုပ်ခွင့်ရဒေသများ | ||
| ကိုယ်ပိုင်အုပ်ချုပ်ခွင့်ရတိုင်း | ||
| ပြည်ထောင်စုနယ်မြေ | ||
 | ဤ မန္တလေးတိုင်းဒေသကြီး ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |