Luna
La Luna (simbolo astronomico: ) ó, na bariadade Central de l Mirandés, Lhuna (de l latin Luna) ye l solo satélite natural de la Tierra, situando-se a ua çtáncia de cerca de 384.405 km de l nuosso planeta.
Segundo la redadeira cuntaige, más de 150 lunas poboan l sistema solar: Netuno ye cercada por 13 deilhas; Saturno ten 48; Júpitener ten 62. La Luna terráquea nun ye a maior de to l Sistema Solar - Titana, ua de las lunas de Saturno, ten l dobro de sou tamanho - mas ye a maior an relaçon al sou planeta. Cun 1/4 de l tamanho de la Tierra i 1/6 de sue grabidade, ye l solo cuorpo celhestre bejitado por seres houmanos i adonde la NASA (sigla an anglés de National Aeronautics and Space Administration) pertende amplantar bases premanentes.
Bisto de la Tierra, l satélite apersenta fases i eisibe siempre la mesma face (situaçon chamada cumo acoplamiento de maré), fato que gerou einúmeras speculaçones a respeito de l teórico lado scuro de la Luna, que na berdade queda eiluminado quando stamos ne l período chamado de Luna nuoba. Sou período de rotaçon ye eigual al período de traslaçon. La Luna nun ten atmosfera i apersenta, ambora mui scassa, auga ne l stado sólido (an forma de cristales de carambelo). Nun tenendo atmosfera, nun hai eroson i la superfice de la Luna mantén-se antata durante milhones de anhos. Ye solo afetada pulas colisones cun meteoritos.
Ye la percipal respunsable puls eifeitos de maré que acuntécen na Tierra, an seguida ben l Sol, cun ua participaçon menor. Puode-se dezir de l eifeito de maré eiqui na Tierra cumo sendo la tendéncia de ls ouceanos acumpanháren l mobimiento orbital de la Luna, sendo que esse eifeito causa un atrito cul fondo de l ouceanos, atrasando l mobimiento de rotaçon de la Tierra cerca de 0,002 s por seclo, i, cumo cunsequéncia, la Luna se afasta de nuosso planeta an média 3 cm por anho.
La Luna ye, porporcionalmente, l maior satélite natural de l nuosso Sistema Solar. Sue massa ye tan seneficatiba an relaçon a la massa de la Tierra que l eixe de rotaçon de l sistema Tierra-Luna ancontra-se mui loinge de l eixe central de rotaçon de la Tierra. Alguns astrónomos úsan este argumiento para afirmar que bibimos nun de ls cumponentes dun planeta duplo, mas la maiorie çcorda, ua beç que para que un sistema planetário seia duplo ye neçairo que sou eixe de rotaçon steia fura de ls dous cuorpos.
Formaçon de la Luna
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
La ourige de la Luna ye ancierta, mas las parecenças ne l teor de ls eilemientos ancuntrados tanto na Luna quanto na Tierra andícan que dambos ls cuorpos puoden tener tenido ua ourige quemun. Nesse aspeto, alguns astrónomos i geólogos alegan que la Luna tenerie se çprendido dua massa ancandecente de peinha liquefeita primordial, recén-formada, atrabeç de la fuorça centrífuga.
Outra heipótese, atualmente la más aceita, ye la de que un planeta zaparecido i chamado Theia, aprossimadamente de l tamanho de Marte, inda ne l percípio de la formaçon de la Tierra, tenerie se chocado cun nuosso planeta. Tamanha colison tenerie zeintegrado totalmente l planeta Theia i fuorçado la spulson de pedaços de peinha líquida. Esses pequeinhos cuorpos fúrun cundensados nun mesmo cuorpo, l qual tenerie sido aprisionado pul campo grabitacional de la Tierra. Esta teorie recebiu l nome de Big Splash.
Hai inda un grupo de teóricos que acraditan que, seia qual fur la forma cumo surgiran, haberie dous satélites naturales orbitando la Tierra: l maior serie la Luna, i l menor tenerie boltado la se chocar cula Tierra, formando las massas cuntinentales.
Geologie lunar
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
L coincimiento subre la geologie de la luna oumentou seneficantemente a partir de la década de 1960 cun las missones tripuladas i outomatizadas. Anque todos ls dados recolhidos al longo de todos esses anhos, inda hai preguntas sin repuostas que unicamente seran cuntestadas cula anstalaçon de feturas bases permanentes i un amplo studo subre la superfice de la luna. Grácias la sue çtáncia de la Tierra, la Luna ye l solo cuorpo, junto cula Tierra, que se conhecen detalhadamente sue geologie. Las missones tripuladas Apollo cuntribuíran cula recuolha de 382 kg de peinhas i mostras de l tierra, de ls quales síguen sendo l oubjeto de studo pa la cumprenson subre la formaçon de cuorpos celhestres.
Tierra
![](http://upload.wikimedia.org/wikipedia/commons/thumb/0/02/Moon_Schematic_Cross_Section.svg/220px-Moon_Schematic_Cross_Section.svg.png)
Las sploraçones i ls studos de l tierra de la Luna lebórun ls cientistas a cuncluir que la chimpa de meteoros an sue superfice çprotegida de atmosfera ye la percipal causa de sou tierra ser sburacado [1] yá que atmosfera puode arrefecir ó deminuir la belocidade desses oubjetos, al batéren, rezon pula qual ábren más crateras contra la superfice lunar de l que na tierra.
Faces
Las partes más próssimas dun oubjeto an órbita an buolta dun planeta súfren ua atraçon grabitacional maior deste (porque stan a ua menor çtáncia del) de l que las más çtantes, ó seia, hai un gradiente de grabidade. Esso faç cun que se gere un binário que leba l oubjeto a acabar por quedar ourientado ne l spácio de modo la que seia la sue parte cun ua maior massa a quedar boltada pa l planeta. Ye esse eifeito que splica porque ye que la Luna assume ua taxa de rotaçon stable que mantén siempre la mesma face boltada pa la Tierra. L sou centro de massa stá çtanciado de l sou centro geométrico de cerca de 2 km na direçon de la Tierra.
Curiosamente, nun se sabe porquei, de l lado boltado pa la Tierra la sue crostra ye más fina quanto a la amplitude de relebo i ye adonde stan cuncentrados ls mars - las zonas más planas.
Las zeignaçones "cuntinentes" i "mares" nun dében ser antendidas cul mesmo seneficado que ténen na Tierra. Ls cuntinentes son scarpados i custituídos por peinhas más claras (anortositos), eissencialmente formados por feldspatos, que refleten 18% de la luç ancidente probeniente de l Sol. Apersentan, an giral, un maior númaro de crateras de ampato i acupan a maior stenson de la superfice lunar. Ls mares lunares nun ténen auga, apersentan la sue superfice más plana de l que la de l cuntinentes, fazendo lembrar la superfice libre dun líquido. Son scuros, custituídos por basaltos, refletindo solo cerca de 6% a 7% de la luç ancidente. La formaçon de l mares, que son más abundantes na face besible de l que na face nun besible (lado scuro), relaciona-se cun ls ampatos meteoríticos.
![]() |
![]() | |
Lado besible de la Luna | Lado scuro de la Luna |
Marés
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
![](http://upload.wikimedia.org/wikipedia/commons/f/f9/Mar%C3%A9.jpg)
Las marés altas nun acuntécen eisatamente ne l alinhamiento antre ls centros de la Tierra i de la Luna. Ls altos correspondentes a las marés altas son lebados un pouco más pa la frente pula rotaçon de la Tierra.
Cumo resultado desso, la fuorça de atraçon antre Tierra i Luna nun ye eisercida eisatamente na direçon de la linha antre ls sous centros i esso gera un binário subre la Tierra que cuntrarie la sue rotaçon (i atrasa la rotaçon de la Tierra por cerca de 0,002 segundos por seclo) i ua fuorça de atraçon subre la Luna, puxando-la pa la frente na sue órbita i eilebando-la para ua órbita (afastando-se de la Tierra cerca de 3,8 cn por anho). Ó seia, hai ua trasferéncia líquida de einergie de la Tierra pa la Luna.
Eibentualmente este eifeito fazerá cun que l alto de la maré acabe por quedar eisatamente alinhado cula linha Tierra-Luna i a partir dende l eifeito de trabaige causado pul binário acabará. Mas nessa altura la Tierra fazerá ua rotaçon satamente ne l mesmo tiempo an que la Luna faç ua rotaçon an buolta de la Tierra: la Tierra amostrará siempre la mesma face a la Luna. Cumo las marés oureginadas pula Tierra na Luna son mui más fuortes, la rotaçon de la Luna yá fui trabada de modo a eilha mos amostrar siempre la mesma face, zaparecendo un binário que yá terá eisistido. La mesma cousa acunteciu yá a la maiorie de l satélites de l sistema solar.
Sploraçon lunar
![](http://upload.wikimedia.org/wikipedia/commons/thumb/d/dd/Buzz_salutes_the_U.S._Flag.jpg/220px-Buzz_salutes_the_U.S._Flag.jpg)
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
Ne l ampeço de la década de 1960 l persidente John F. Kennedy colocou cumo meta pa ls Stados Ounidos de la América l ambio dun Home a la Luna antes de l fin de la década. Este zafio fui cuncretizado ne l porjeto Apollo. An 20 de Júlio de 1969 Neil Armstrong tornou-se l purmeiro Home a caminar na Luna. Eisisten grupos que dubídan deste eibento, alegando ser la aterraige na Luna trasmetida pula telbison nun cenário muntado, i to l eibento tenerie sido ousado cumo porpaganda de l regime amaricano durante la Guerra Frie.
Trajetória lunar
![](http://upload.wikimedia.org/wikipedia/commons/thumb/d/d3/Moon_trajectory.png/220px-Moon_trajectory.png)
Ye tentador aceitar que la trajetória de la Luna ruoda an buolta de la Tierra de tal modo que por bezes anda para trás. Mesmo quando bemos ua repersentaçon de la sue trajetória cumo la que se mostra na animaçon seguinte, la nuossa perceçon cria-me ls ua eiluson: La Luna parece andar para trás. I, na berdade, (mesmo nesta animaçon, an que la sue trajetória ye repersentada cumo ua rebuolta sinusoidal) eilha abança siempre.
![](http://upload.wikimedia.org/wikipedia/commons/thumb/8/86/Lunar_libration_with_phase_Oct_2007.gif/220px-Lunar_libration_with_phase_Oct_2007.gif)
La percipal rezon para essa eideia errada ye l fato de nas repersentaçones de l sistema solar, an que las trajetórias de l planetas son zenhadas de l punto de bista de l ouserbador posicionado ne l Sol al passo que tamien ye quemun repersentar la trajetória de la Luna de l punto de bista dun ouserbador na Tierra, l que ye l ouserbado, mas acuntece que esse mobimiento diário ye aparente debido a la rotaçon de la Tierra an torno de l sou eixe i nun de la Luna propiamente dezido l que cuntribuirie cun outro cunceito errado que ye la suposta eisisténcia dun lado scuro de la Luna, quando na rialidade ye la face oculta.
De fato, cumo la fuorça grabitacional de l Sol subre la Luna ye 2,2 bezes más fuorte de l que la eisercida pula Tierra, la Luna çcribe ua eilipse de afastamiento custante de la Tierra al mesmo tiempo que, debido la fuorça grabitacional, dambos percórren ua trajetória de traslaçon deformada an spiral la buolta de l Sol. I la sue trajetória ye siempre cumbexa: rebuolta-se siempre na direçon de l Sol. Nun ye esse l causo de la maiorie de l satélites arteficiales, que fázen ua rotaçon an buolta de la Tierra an menos de 2 horas. Mas la rotaçon de la Luna an buolta de la Tierra ye uas 4 cientos de bezes más lenta.
![](http://upload.wikimedia.org/wikipedia/commons/thumb/8/88/Sun_earth_moon.svg/220px-Sun_earth_moon.svg.png)
La figura ambaixo çcribe melhor l que rialmente acuntece. Ye más sclarecedor bisualizar l mobimiento de la Luna cumo se eilha fusse ua mota que acumpanha un altemoble (la Tierra), ambos an mobimiento nua mesma strada. La mota, ua beç por més acelera i ultrapassa l altemoble pula dreita i depuis deixa-se quedar para trás pula squierda. De fato, la Luna, quando queda para trás (quarto crecente) ye acelerada pula atraçon grabítica de la Tierra i quando se adianta (quarto minguante) ye trabada pula fuorça de grabidade de la Tierra[2].
Tanto la Tierra cumo la Luna stan an chimpa-libre an bolta de l centro de massa de l sistema Tierra-Luna (drento de la Tierra) que, por sue beç, stá an chimpa-libre al redror de l centro de massa de l sistema Sol-Tierra-Luna (drento de l Sol). Por esso, podie ser más sclarecedor i menos geocéntrico dezir que la Tierra i la Luna ruodan ligeiramente an torno de l sou centro de massa quemun, a la medida que seguen a ua órbita quemun an torno de l Sol. Alguns astrónomos defénden aliás que l sistema Tierra-Luna ye un planeta duplo, yá que la anfluéncia grabitacional de l Sol ye cumparable cun sue anteraçon mútua.
![](http://upload.wikimedia.org/wikipedia/commons/thumb/6/60/Speed_of_light_from_Earth_to_Moon.gif/660px-Speed_of_light_from_Earth_to_Moon.gif)
La Luna i la trajetória de la Tierra
Quando la Luna stá an quarto minguante, la Luna stá delantre de la Tierra. Cumo la çtáncia de la Tierra a la Luna ye de cerca de 384404 km i la belocidade orbital de la Tierra ye de cerca de 107 mil km/h, la Luna ancontra-se nun punto adonde la Tierra bai star dende a cerca de 3 horas i meia. De l mesmo modo, quando bemos la Luna an quarto crecente, eilha ancontra-se aprossimadamente ne l punto de l spácio «adonde nós stábamos» 3 horas i meia antes!
L brilho lunar
![](http://upload.wikimedia.org/wikipedia/commons/thumb/d/dc/Lunar_Corona.jpg/220px-Lunar_Corona.jpg)
L brilho de la Luna, tamien coincido cumo luar, nun deminui para metade quando eilha stá an quarto. L sou brilho ye solo 1/10 de l que eilha ten quando stá chena. Esso debe-se al relebo de la Luna: quando eilha stá an quarto las partes más eilebadas porjétan selombras nas partes menos eilebadas i redúzen la cantidade de luç solar refletida na direçon de la Tierra.
Eiclipses
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)