Паул фон Хинденбург

Паул фон Хинденбург Paul von Hindenburg
Втор претседател на Германија
Мандат 12 мај 1925 – 2 август 1934
Претходник	Фридрих Eберт
Следбеник	Адолф Хитлер
Роден	2 октомври 1847 Знаме на Германскиот Сојуз Позен, Германија (денес Познањ, Полска)
Починал	2 август 1934 Национално знаме на Германија (1933-1935) Нојдек, Германија (денес Суш, Полска)
Партија	нема

Паул Лудвиг Ханс Антон фон Бенекендорф унд фон Хинденбург (германски: Paul Ludwig Hans Anton von Beneckendorff und von Hindenburg^ⓘ, познат како Паул фон Хинденбург) (2 октомври 1847 година – 2 август 1934 госина) бил германски фелдмаршал и државник.

Воена биографија

Хинденбург имал незначајна, но долга кариера во Пруската армија, по што се повлекол, во 1913 година. Повторно бил повикан по избувнувањето на Првата светска војна и првпат бил широко претставен на народната јавност на шеесет и шест години. Бил назначен за командант на Источен фронт, како победникот од Таненберг и од Мазурски езера од 1914 година. Како врховен заповедник на германски воени сили од октомври во 1916, тој и шефот на вооружените сили, Ерих Лудендорф, се кренале во очите на германската јавност. Останал на должност сè до потпишување на Версајскиот договот. Хинденбург повторно се повлекол од јавниот живот во 1919, но се вратил во јавниот живот уште еднаш во 1925, избран за втор претседател на Германија.

Претседател на Вајмарска Република

На претседателски избори за Вајмарска Република во19125 година, поранешниот маршал Хинденберг победил како кандидат на здружена десница.

Иако на 84 години и со нарушено здравје, Хинденбург морал повторно да се кандидира во 1932 како единствениот кандидат кој можел да го победи Адолф Хитлер, што и се случило. За време на вториот мандат како претседател, направил сѐ што можел за да ги спречи нацистите да стасаат до моќта, но на крај бил приморан да го назначи Хитлер за канцелар во јануари 1933 година. Во март го потпишал „Овластувачкиот акт“ од 1933 година, што им дал пособени моќи на Хитлер и неговата влада. Хинденбург умрел следната година, по што Хитлер ја прогласил неговата позиција за празна и себеси се прогласил за претседател.

Познатиот цепелин Хинденбург што бил соборен во 1937 година бил наречен така во негова чест, како и надвозникот од островот Силт до копното Шлезвиг-Холштајн, именуван Хинденбургдам, изграден за време на неговото претседателство.