Фудбалски куп на Италија

Куп на Италија

Земја	Италија
Основана	1922
Број на клубови	78
Тековен првак	Јувентус (15. титула) (2023–2024)
Најмногу титули	Јувентус (15 титули)
Мрежно место	Куп на Италија
Трофеј
Фудбалски куп на Италија 2023-2024

Фудбалскиот куп на Италија (или познат по тамошното име Coppa Italia) е национален куп во фудбал на Италија. Првпат натпреварувањето било одржано во 1922, но друго вакво натпреварување не било одржано сè до 1936, од кога се играло редовно до 1943 година. Потоа натпреварувањето продолжило во 1958 година и оттогаш сè до денес се игра секоја сезона.

Најуспешен клуб е Јувентус со 15 титули. Покрај тоа, тие одиграле најмногу финалиња од сите клубови, 22, потоа следи Рома со 17 финалиња. Торино е клубот кој има најмногу загубени финалиња (8).

Победникот во Купот на Италија добива место во европските турнири, поточно во Лигата на Европа. Клубот кој ќе ја освои Копа Италија 10 пати, ќе биде награден со сребрена ѕвездичка, слично како и во првенството, каде што екипата која ќе го освои Скудетото 10 пати - добива златна ѕвезда. Со титулата во 2015, екипата на Јувентус, станала првата која освоила сребрена ѕвезда во италијанскиот фудбал, додека на екипата на Рома ѝ недостасува уште еден наслов до ѕвездата, бидејќи моментално имаат 9 титули.

Ова натпреварување е познато и по подпросечната посетеност, затоа што повеќето екипи не играат со своите најдобри играчи во поголемиот дел од турнирот. Додека во Серија А, клубовите имаат и до 50.000 навивачи на натпревар, во купот едвај се собираат околу 30.000. Најмногу гледачи има во завршницата на турнирот, кога екипите се борат за влез во Европа, поточно во Лигата на Европа.

Формат

Натпреварувањето е нокаут турнир каде секоја победа ве води коло напред. Самиот жреб се објавува на почетокот уште пред да биде одигран ниту еден натпревар. Освен во полуфиналето каде се играат и реванш натпревари секое друго коло има само еден натпревар. Ако екипите одиграат нерешено се играат продолженија, а ако и во нив не се добие победник, се изведуваат пенали. Всушност турнирот е составен од две фази, каде во секоја има по четири рунди.

Турнирот започнува во август и во првата рунда учествуваат екипите од пониските лиги. Најдобрите осум клубови од Серија А од претходната сезона се приклучуваат во осминафиналето, а останатите 12 во третото коло. Финалето се игра по завршувањето на првенствата.

Фаза	Рунда	Клубови останати	Клубови вклучени	Победници од претходната рунда	Ново влезени во оваа рунда	Лигите од кој влегуваат клубовите во оваа рунда
Прва фаза	Прва рунда	78	36	нема	36	Екипи од Лега Про и Серија Д
	Втора рунда	60	40	18	22	Серија Б
	Трета рунда	40	32	20	12	Послабо рангираните екипи од Серија А од претходната сезона
	Четврта рунда	24	16	16	нема	никој
Втора фаза	Осминафинале	16	16	8	8	Виско рангираните екипи од Серија А
	Четвртфинале	8	8	8	нема	никој
	Полуфинале	4	4	4	нема	никој
	Финале	2	2	2	нема	никој

Досегашни победници

Куп на Италија

1922–00 – Вадо (1) 1935–36 – Торино (1) 1936–37 – Џенова (1) 1937–38 – Јувентус (1) 1938–39 – Интер (1) 1939–40 – Фјорентина (1) 1940–41 – Венеција (1) 1941–42 – Јувентус (2) 1942–43 – Торино (2) 1958       – Лацио (1) 1958–59 – Јувентус (3) 1959–60 – Јувентус (4) 1960–61 – Фјорентина (2) 1961–62 – Наполи (1) 1962–63 – Аталанта (1) 1963–64 – Рома (1) 1964–65 – Јувентус (5) 1965–66 – Фјорентина (3) 1966–67 – Милан (1) 1967–68 – Торино (3) 1968–69 – Рома (2) 1969–70 – Болоња (1) 1970–71 – Торино (4) 1971–72 – Милан (2) 1972–73 – Милан (3) 1973–74 – Болоња (2) 1974–75 – Фјорентина (4) 1975–76 – Наполи (2) 1976–77 – Милан (4) 1977–78 – Интер (2) 1978–79 – Јувентус (6) 1979–80 – Рома (3) 1980–81 – Рома (4) 1981–82 – Интер (3) 1982–83 – Јувентус (7) 1983–84 – Рома (5) 1984–85 – Сампдорија (1) 1985–86 – Рома (6) 1986–87 – Наполи (3) 1987–88 – Сампдорија (2) 1988–89 – Сампдорија (3) 1989–90 – Јувентус (8) 1990–91 – Рома (7) 1991–92 – Парма (1) 1992–93 – Торино (5) 1993–94 – Сампдорија (4) 1994–95 – Јувентус (9) 1995–96 – Фјорентина (5) 1996–97 – Виченца (1) 1997–98 – Лацио (2) 1998–99 – Парма (2) 1999–00 – Лацио (3) 2000–01 – Фјорентина (6) 2001–02 – Парма (3) 2002–03 – Милан (5) 2003–04 – Лацио (4) 2004–05 – Интер (4) 2005–06 – Интер (5) 2006–07 – Рома (8) 2007–08 – Рома (9) 2008–09 – Лацио (5) 2009–10 – Интер (6) 2010–11 – Интер (7) 2011–12 – Наполи (4) 2012–13 – Лацио (6) 2013–14 – Наполи (5) 2014–15 – Јувентус (10) 2015–16 – Јувентус (11) 2016–17 – Јувентус (12) 2017–18 – Јувентус (13) 2018–19 – Лацио (7) 2019–20 – Наполи (6) 2020–21 – Јувентус (14) 2021–22 – Интер (8) 2022–23 – Интер (9) 2023–24 – Јувентус (15)

Најмногу титули

Клуб	Број на титули
Јувентус	15
Рома	9
Лацио	7
Интер	7
Фјорентина	6
Наполи	6
Торино	5
Милан	5
Сампдорија	4
Парма	3
Болоња	2
Вадо	1
Џенова	1
Венеција	1
Аталанта	1
Виченца	1

Надворешни врски

• Официјална страна на фудбалскиот сојуз на Италија
• Coppa Italia, sofascore.com
• Italy - List of Cup Finals, rsssf.com