Драмче

**Драмче**
	Драмче
	Маало на Драмче;
	Драмче Местоположба на Драмче во Македонија Драмче на карта
	Координати 42°00′40″N 22°42′50″E / 42.01111° СГШ; 22.71389° ИГД
Регион	Источен
Општина	Делчево
Област	Осоговија
Население	115 жит.; (поп. 2021)
Пошт. бр.	2320
Повик. бр.	033
Шифра на КО	09008
Надм. вис.	700-840 м
	Драмче на општинската карта ; Атарот на Драмче во рамките на општината
	Драмче на Ризницата

Драмче — село во Општина Делчево, во областа Осоговија, во околината на градот Делчево.

Географија и местоположба

Драмче се наоѓа во северозападниот дел на територијата на Општина Делчево и неговиот атар делумно е ограничен со државната граница со Бугарија. Селото е ридско и од разбиен тип, а се простира на надморска височина од 700-840 метри. Селскиот атар зафаќа површина од 35,2 км². Од Делчево е оддалечено 15 км.^[2]

Историја

Според едно предание, селото Драмче било основано од некој дојденец од Драма кој имал четири сина и ги разместил на тој простор. Иако не може да се утврди веродостојноста на ова предание, сепак интересен е податокот дека како дел од женската носија од Драмче е сината саја, која е карактерисична за женската носија од Драмско.^[3]

Во почетокот на XX век, Драмче било село во Малешевската каза на Отоманското Царство.

Во Првата балканска војна, од селото имало еден доброволец кој бил дел од Македонско-одринските доброволни чети.^[4]

Вкупно 3 жители на оваа населба се заведени како жртви во Втората светска војна.^[5]

Стопанство

Селото има мешовита земјоделска функција. Во неговиот атар преовладуваат шумите на површина од 1.562,2 ха, додека на пасишта отпаѓаат 901,4 ха, а обработливото земјиште зафаќа површина од 815,2 ха.^[2]

Население

Население во минатото

Година	Нас.	±%
1948	842	—
1953	996	+18.3%
1961	868	−12.9%
1971	697	−19.7%
1981	534	−23.4%

Година	Нас.	±%
1991	429	−19.7%
1994	416	−3.0%
2002	288	−30.8%
2021	115	−60.1%

Според статистиката на Васил К’нчов („Македонија, Етнографија и статистика“) од 1900 година, во Драмче живееле 430 жители, сите Македонци.^[6] По податоците на секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во селото живееле 400 Македонци.^[7]

Според германска карта издадена во 1941 година, а заснована на пописот на Кралството Југославија од 1931 година, селото имало 650 Македонци.^[8]

Според пописот на населението на Македонија од 2002 година, селото има 288 жители, од кои 287 Македонци и 1 Влав.^[9]

Според последниот попис од 2021 година, во селото живееле 115 жители, од кои 103 Македонци и 12 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	430	400	842	996	868	697	534	429	416	288	115

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Општествени установи

Во селото има основно училиште, фабрички погон за конфекција, земјоделска задруга, продавници и угостителски објекти.^[2]

Самоуправа и политика

Селото влегува во составот на Општина Делчево од 1955 година.

Во периодот 1950-1952, селото било седиште на истоимената општина во склоп на Делчевската околија.

Во периодот 1952-1955, селото било седиште на истоимената општина во склоп на Малешевската околија.

Избирачко место

Во селото постои избирачко место бр. 0601 според Државната изборна комисија, кое е сместено во објектот на селската месна заедница.^[15]

На локалните избори во 2017 година, на ова избирачко место биле запишани вкупно 201 гласач.^[16]

На претседателските избори во 2019 година, на ова избирачко место биле запишани вкупно 190 гласачи.^[17]

Културно наследство

Од селото потекнува орото Копачка, кое во 2014 година било впишано во претставителниот список на УНЕСКО за заштита на нематеријалното културно наследство.^[18] Кон крајот на 2014 година, родната куќа на долгогодишниот ороводец на орото Копачка Димитрија Станоевски (1917-2009), попознат како „Дедо Митко“, била претворена во спомен-куќа, во чија поставка се изложени стари фотографии, објавени текстови во домашни и во странски весници, предмети и инструменти кои ороводецот ги употребувал, како и народните носии во кои го предводел орото. Уредувањето на спомен-куќата било финансирано со средства обезбедени од Министерството за култура, здружението Копачка и Општина Делчево.^[19]^[20]

Културни знаменитости

Археолошки наоѓалишта

Берова Чешма — населба од доцноантичко време
Врница — некропола (тумули) од железно време
В’чковско Маало — некропола од доцноантичко време
Градиште — населба од железно време
Градиште I — градиште од доцноантичко време
Градиште II - Присој — градиште од римско време
Јазова Чука — тумули од железно време

Цркви

Црква „Св. Архангел Михаил“ — главна селска црква, културно наследство на Македонија
Црква „Св. Петка“ — црква во изградба

Културни установи

Спомен-куќа на Дедо Митко — спомен-куќа посветена на ороводецот на орото Копачка Дмитрија Станоевски (1917-2009)

Личности

Починале во Драмче

Цено Куртев (1877-1905) — бугарски подофицер и член на МРО

Галерија

Сретселото
Објект во селото
Куќи во селото
Маало на селото
Панорама на селото
Црквата „Св. Петка“ во изградба

Наводи

↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
↑ ^2,0 ^2,1 ^2,2 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 112.
↑ Крстева, Ангелина (2005). „Размислувања за потребата од теренски етнолошки истражувања“. Етнолог. Здружение на етнолозите на Република Македонија - Музеј на Македонија (11): 142–143.
↑ Македоно-одринското опълчение 1912 – 1913 г. Личен състав, Главно управление на архивите, 2006, стр. 844.
↑ „Попис на жртвите од војната 1941-1945, СР Македонија“ (PDF).
↑ Кънчов, Васил. „Македония. Етнография и статистика“, София, 1900, стр.229.
↑ Brancoff, D.M. "La Macédoine et sa Population Chrétienne". Paris, 1905, р.140-141.
↑ „200K Volkstumskarte Jugoslawien“.
↑ „Попис на Македонија“ (PDF). Завод за статистика на Македонија. 2002. Посетено на 10 јули 2018.
↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
↑ К’нчов, Васил. „Македонија. Етнографија и статистика“. Софија, 1900
↑ Brancoff, D.M. „La Macédoine et sa Population Chrétienne“. Paris, 1905.
↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
↑ „Изборна единица 3 — Општина Делчево“ (PDF). Посетено на 10 јули 2018.
↑ „Локални избори 2017“. Архивирано од изворникот на 2020-11-26. Посетено на 10 јули 2018.
↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
↑ „Kopachkata, a social dance from the village of Dramche, Pijanec“. UNESCO Culture Sector - Intangible Heritage. Посетено на 18 декември 2014.
↑ „Најстариот ороводец дедо Митко доби спомен-соба^{[мртва врска]}“. Вечер. 28 октомври 2014.
↑ П., Н.. „Куќата на дедо Митко во Драмче ја раскажува приказната за „Копачка“ Архивирано на 21 јули 2018 г.“. Република. 15 март 2015.

Надворешни врски

Драмче на Ризницата ^?

[Попис2021-1] „Пописна слика на населените места во Македонија, Попис 2021“. Државен завод за статистика. Посетено на 22 декември 2022.

[енциклопедија-2] 2,0 ^2,1 ^2,2 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 112.

[etnolog-3] Крстева, Ангелина (2005). „Размислувања за потребата од теренски етнолошки истражувања“. Етнолог. Здружение на етнолозите на Република Македонија - Музеј на Македонија (11): 142–143.

[4] Македоно-одринското опълчение 1912 – 1913 г. Личен състав, Главно управление на архивите, 2006, стр. 844.

[5] „Попис на жртвите од војната 1941-1945, СР Македонија“ (PDF).

[6] Кънчов, Васил. „Македония. Етнография и статистика“, София, 1900, стр.229.

[7] Brancoff, D.M. "La Macédoine et sa Population Chrétienne". Paris, 1905, р.140-141.

[8] „200K Volkstumskarte Jugoslawien“.

[попис-9] „Попис на Македонија“ (PDF). Завод за статистика на Македонија. 2002. Посетено на 10 јули 2018.

[10] „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“

[К’нчов-11] К’нчов, Васил. „Македонија. Етнографија и статистика“. Софија, 1900

[Бранков-12] Brancoff, D.M. „La Macédoine et sa Population Chrétienne“. Paris, 1905.

[макстат-13] „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.

[макстат2-14] „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.

[15] „Изборна единица 3 — Општина Делчево“ (PDF). Посетено на 10 јули 2018.

[16] „Локални избори 2017“. Архивирано од изворникот на 2020-11-26. Посетено на 10 јули 2018.

[17] „Претседателски избори 2019“. Архивирано од изворникот на 2019-12-29. Посетено на 3 ноември 2019.

[18] „Kopachkata, a social dance from the village of Dramche, Pijanec“. UNESCO Culture Sector - Intangible Heritage. Посетено на 18 декември 2014.

[19] „Најстариот ороводец дедо Митко доби спомен-соба^{[мртва врска]}“. Вечер. 28 октомври 2014.

[20] П., Н.. „Куќата на дедо Митко во Драмче ја раскажува приказната за „Копачка“ Архивирано на 21 јули 2018 г.“. Република. 15 март 2015.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]