Горно Седларце
| Горно Седларце | |
  Горно Седларце Местоположба на Горно Седларце во Македонија
Горно Седларце на карта
| |
| Координати 41°54′38″N 20°54′38″E / 41.91056° СГШ; 20.91056° ИГД | |
| Општина | Боговиње |
| Население | 1.521 жит. (поп. 2021)[1]
|
| Шифра на КО | 28018, 28518 |
| Надм. вис. | 500 м |
|
Горно Седларце на општинската карта  Атарот на Горно Седларце во рамките на општината | |
 Горно Седларце на Ризницата
| |
Горно Седларце — село во областа Долни Полог, во Општина Боговиње, на патот помеѓу градовите Гостивар и Тетово.
Географија и местоположба
[уреди | уреди извор]Селото се наоѓа во областа Долни Полог, непосредно до патото Тетово - Гостивар. Селото е рамничарско, на надморска височина од 466 метри.Од градот Тетово населбата е оддалечена 8 километри. Атарот е мал и зафаќа простор од 4,5 км2.[2]
Историја
[уреди | уреди извор]На крајот на XIX век, селото било дел од Полошката нахија во Тетовската каза на Отоманското Царство. Според податците на Васил К’нчов („Македонија. Етнографија и статистика“) од 1900 година, Горно Седларце имало 85 жители, сите Албанци христијани. По податоците на Афанасиј Селишчев, во 1929 година населението во селото изнесувало 251 жител од кои најбројни се Македонците и Албанците, сместени во 46 куќи.
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Горно Седларце живееле 85 жители, сите Албанци.[3]
По Балканските војни е забележано со 300 жители.[4]
Според Афанасиј Селишчев, во 1929 година селото било дел од Брвеничка општина во Долнополошкиот срез и имало 46 куќи со 251 жител, Албанци и Македонци.[3]
Според германска карта издадена во 1941 година, а заснована на пописот на Кралство Југославија во 1931 година, селото имало 350 Албанци.[5]
Горно Седларце броело 1.069 жители во 1961 година, додека во 1994 година бројот се зголемил на 1.483 жители.
Пописот во 1991 година не бил целосно одржан во Горно Седларце, бидејќи дел од неговото население одбило да учествува, односно го бојкотирало неговото одржување, поради што за таа пописна година, во селото нема целосни податоци.
Според пописот на населението на Македонија од 2002 година, селото има 1.776 жители, од кои 1.773 Албанци и 3 останати.[6]
Според последниот попис од 2021 година, во селото живееле 1.521 жител, од кои 2 Македонци, 1.482 Албанци, 1 Србин и 36 лица без податоци.[7]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 85 | 251 | 592 | 689 | 902 | 1.069 | 1.318 | 0 | 1.483 | 1.776 | 1.521 |
- Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]
Родови
[уреди | уреди извор]Горно Седларце е албанско село.
Според истражувањата од 1948 година, родови во селото:
- Исмаиларе (15 к.) доселени се од местото Дарда во северна Албанија.
- Роше (4 к.) доселени се од некое место во областа Мат во северна Албанија.
- Шарове (17 к.) доселени се од селото Корито, А таму се доселиле од селото Реч во Горна Река.
- Ферат (3 к.) доселени се од селото Пирок. Таму имаат истоимени роднини. Подалечно потекло од Мат во северна Албанија.
- Беглери или Оџол (3 к.) доселени се однекаде.
- Исмалолар (4 к.) доселени се од селото Добри дол. А таму од северна Албанија.
- Османлар (3 к.) доселени се од селото Пирок.
- Бајтулар (2 к.) доселени се од Пирок. Подалечно потекло од местото Дукаќики во северна Албанија.
- Туша (1 к.) и Салак (1 к.) доселени се од селото Трново. Таму имаат истоимени роднини.
- Рустемови (1 к.) доселени се од Добри Дол.
- Адролар (3 к.) доселени се од селото Боговиње. А таму од северна Албанија.
- Љок (1 к.) доселени се од селото Камењане. Таму имаат истоимени роднини.
- Кука (1 к.) доселени се од селото Теново. Подалечно потекло од Кичевско.
- Јусколар (1 к.) доселени се од селото Пирок.
- Оџоли (2 к.) доселени се од селото Добри Дол.
- Ајдарови (1 к.) доселени се од селото Топлица.
- Кадриови (1 к.) доселени се од селото Топојани кај Љума во северна Албанија.
- Царе (5 к.) доселени се од селото Урвич. Зборуваат македонски. Подалечно потекло од Љусна во северна Албанија.
- Кроса (6 к.) не знаат точно од каде се. Веројатно се од северна Албанија. Имаат истоимени роднини во селата Арнаќија и Рашче, тие таму се доселени од Љума во северна Албанија.
- Чоропин (3 к.) доселени се од селото Синичане. Таму биле староседелци.
- Оџа (1 к.) доселени се од селото Јеловјане, таму имаат роднини. Подалечното потекло не го знаат.[12]
Општествени установи
[уреди | уреди извор]Самоуправа и политика
[уреди | уреди извор]Избирачко место
[уреди | уреди извор]Во селото постојат избирачките места бр. 2051 и 2052 според Државната изборна комисија, сместени во просториите на основното училиште.[13]
На претседателските избори во 2019 година, на овие избирачки места биле запишани вкупно 1.692 гласачи.[14]
Културни и природни знаменитости
[уреди | уреди извор]Редовни настани
[уреди | уреди извор]Личности
[уреди | уреди извор]- Сафет Алиу (р. 20 јули 1948) - македонски правник, врховен судија и поранешен потпретседател на Државната изборна комисија на Македонија
- Екрем Ајрули (р. 1 февруари 1957) - македонски поет.
Култура и спорт
[уреди | уреди извор]Иселеништво
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Енциклопедија на селата во Република Македонија, Митко Панов, стр. 80
- ↑ 3,0 3,1 Кънчов, Васил. Македония. Етнография и статистика, София, 1900, стр. 212.
- ↑ Речник места у Ослобођеној области Старе Србије. Белград. 1914. стр. 140.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Трифуноски, Јован (1976). Полог: антропогеографска проучавања. Белград: САНУ.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
Надворешни врски
[уреди | уреди извор]
| |||||||||||||||||
