Trabisonda
![]() |
Quest articol chì l'è scrivud in lombard, con la Noeuva Ortografia Lombarda |
![](http://upload.wikimedia.org/wikipedia/commons/thumb/c/cb/Trabzon_Turkey_Provinces_locator.gif/300px-Trabzon_Turkey_Provinces_locator.gif)
Trabisonda[1] (in turch Trabzon o anca Trebizond, in latin Trapezus, in grech Τραπεζούντα, Trapezounta) a l'è una cità de la Turchia, capital de l'omonima provinza, in su la costa nord-orientala, in sul Mar Negher.
In del period medieval l'è stada capital de l'Imper de Trabisonda (1204-1461) e l'è stada l'ultema cità bizantina indipendenta a vesser ciapada di turch otoman (in del 1461) dop de la crodada de Costantinopol (1453) e Mistrà (1460). Incoeu Trabisonda a l'è el port pussee grand de la Turchia in sul Mar Negher e la conserva ancamò la so importanza grazzia a la so posizzion in sui rote comerciai in tra l'Europa e l'Orient Median.
Manere de dì in lombard
[Modifega | modifica 'l sorgent]In lengua lombarda el nom, sostantivad, de la cità el vegn drovad in di fras "savé de trabisonda", o ben savé un quaicoss in manera indireta, e "vegnud al mond de trabisonda", o ben vesser nassud foeura del matrimoni.
Note
[Modifega | modifica 'l sorgent]- ↑ Cfr. Trabisonda in del dizzionari Cherubin.