Rodènch
Chest artícol a l'è scricc in Lumbàrt, ortograféa orientàl unificàda. |
Rudènch Comun | |||||
---|---|---|---|---|---|
| |||||
Dats aministrativ | |||||
Stat | Itàlia | ||||
Rejon | Lumbardía | ||||
Provinça | Provincia de Brèsa | ||||
Capolœg | Rodengo-Saiano | ||||
Nassida | 18 ottober 1927 | ||||
Politega | |||||
Sindeg | |||||
Orgen lejislativ | Consili comunal | ||||
Territore | |||||
Coordinade | 45°36′N 10°07′E / 45.6°N 10.116667°E | ||||
OSM | 45372 | ||||
Voltituden | 176 m s.l.m | ||||
Superfix | 12,86 km² | ||||
Abitants | 9 865 ab. (1º genar 2023) | ||||
Densitaa | 767.11 ab./km² | ||||
Confin | Castegnàt, Gösàch, Óme, Padéren, Pasirà e Montezèi | ||||
Fus orari | UTC+01:00 e UTC+02:00 | ||||
Varie | |||||
Prefiss | 030 | ||||
Codex postal | 25050 | ||||
Sigla autom. | BS | ||||
Codex ISTAT | 017163 | ||||
Codex catastal | H477 | ||||
Sant protetor | San Nicola de Bari | ||||
Cl. climatega | |||||
Cl. sismega | |||||
Localizazion | |||||
![]() | |||||
Sit istituzional |
Rodènch (Rudènch, endèla parlàda de la franciacürta; Rodengo-Saiano, en Italià) l'è 'n cümü de la Pruvìncia de Brèsa che 'l cönta 9 504 abitàncc (dàto del des 2015 [1]).
El cümü, coi cunfì isé come che i è al dé d'encö l'è stat istitüìt endèl 1927 de l'üniù dei cümü de Rudènch e de Saià (nòm uficiàl en italià: Saiano) e l'è dividìt en sés frasiù: Bètula, Betulì, Delma, Moie, Padergnù e Ponte Cingoli.
I paès cunfinàncc i è: Castignàt, Güsàch, Óme, Padéren e Pasirà.
El cümü de Rudènch l'è 'nzemelàt col paés de Kürten, en Germania.
L'Abasìa Olivetàna
[Modifega | modifica 'l sorgent]![](http://upload.wikimedia.org/wikipedia/commons/thumb/e/e5/Abbazia_Rodengo_Chiostro_Grande_02.jpg/200px-Abbazia_Rodengo_Chiostro_Grande_02.jpg)
Rudènch l'è cunusìt apò a per la prezènsa de l'Abasìa Olivetàna de San Nicóla, fondàda dei frà cluniacènsi - congregasiù de l'Urden de San Benedèt - envèrs le metà del sècol XI.
Dòpo 'n prìm perìodo de espansiù l'abasìa, zamò 'ndèl sècol XIII la gh'ìa ambiàt a dà sègn de éser dré a fermàs e de mìa rià piö a crèser. Isé, 'ndèl sècol XV l'è stàda afidàda ai frà olivetàni che i g'ha ambiàt sübet 'n òpera 'mportànte de ristrütürasiù de le òpere architetòniche ezistènte e de l'edificasiù de nöe. En chèl perìodo ché, divèrse i è stàde le òpere afidàde ai artìsti bresà piö 'mportàncc compàgn de 'l Romanino, 'l Moretto, el Lattanzio Gambara e Grazio Cossali.
Endèl 1797, el Goèrno Provizóre de Brèsa, en aplicasiù de le légi napoleòniche, el gh'ìa decretàt la sopresiù del monastér e la sò asegnasiù a l'öspedàl feminìl de Brèsa.
Dòpo de 'n perìodo de decadènsa , endèl 1969, per vìa de l'enteresamènt de papa Pàol VI, l'è stàda riconsegnàda ai frà olivetàni. Al dé d'encö, la g'ha recüperàt 'na bùna part del sò splendùr e l'è turnàda a éser en cèntro de spiritualità de 'mportànsa.
Sport
[Modifega | modifica 'l sorgent]A Rudènch g'ha séde l'Asociasiù Calcio Rudènch-Saià, società de fóbal nasìda 'ndèl 1983, che 'ndela stagiù 2010-2011 la züga 'ndèl campiunàt de Lega Pro Segónda Diviziù. La züga 'ndel Stadio Pulispurtìf Cumünàl, en via Culumbàra, n°1. L'è 'na strütüra che la g'ha 'n teré de zöch per el fóbal en èrba de 105x65 méter e 'na tribüna lateràl da 2.500 pòscc per sintàs zó.
Evulusiù demogràfica
[Modifega | modifica 'l sorgent]
Abitant censid
![](http://upload.wikimedia.org/wikipedia/lmo/timeline/rkbk4ly9ic3g38ws5w0o2jpbhk9vr8p.png)
Riferimèncc
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.