Massa
Câa
![]() |
Quell articol qì l'è scrivud in Lombard, cond l'ortografia Scriver Lombard. |
![](http://upload.wikimedia.org/wikipedia/commons/thumb/b/b5/CGKilogram.jpg/310px-CGKilogram.jpg)
La massa (del grec: μᾶζα, torta d'orz, grœm de pasta) l'è la grandeza fisega qe la esprim la nozion comuna de quantitaa de materia. L'è un concet fondamental ind la mecanega e ind la fisega in jeneral. Ind el sistema internazional l'è misurada cond el qilogram.
Ind la fisega classega l'era considerada una proprietaa intrinsega de la materia, e rapresentada cond un scalar. Inscambe, ind la relativitaa ristreita, l'è ligada a l'enerja qe al g'ha ol corp, segond la famosa formula E=mc². In qell ambet qé, s'è definida la massa a repos, çoè l'invariant relativisteg per indicar la massa de una particella ind el cas qe la sies ferma (misurad in eV).