Consònn
![](http://upload.wikimedia.org/wikipedia/commons/thumb/5/55/Minaretooo.jpg/220px-Minaretooo.jpg)
Consònn (Consonno) a l'è ona frazion del comun lecches de Olginaa. Consònn l'è famosa per vess voeuna di pòcch città fantasma lombard.
Stòria
[Modifega | modifica 'l sorgent]El paes a l'è nassuu in del Medioev. A l'è staa on comun fina al 1928, e al temp di piev el partegniva a la Piev de Garlaa. In del 1962 l'è staa compraa de on industrial che l'ha traa giò del tutt e l'ha casciaa via i abitant per fàggh sù di center commerciai e de divertiment. El success l'è duraa però pròppi pòcch, a causa de ona serie de frann (la prima in del 1976). Pòcch a pòcch tutt i ròbb che eren staa faa sù hinn staa bandonaa, anca perchè in del 2007 on rave party l'ha contribuii a portà alter disaster edilizzi. Al dì d'incoeu a Consònn ghe viv domà ona desena de persònn, tutt in de la veggia canòniga, l'uniga part del vegg paes che l'esista 'nmò insema a la gesetta de San Maurizzi e al cimiteri. El rest l'è tutt recintaa.