Alp (sit)

Quest articol chì l'è scrivud in lombard, con la Noeuva Ortografia Lombarda

Vache che pasturen a Vedeseta in provincia de Bergom.

L'alp (o anca alpee o mont) a l'è un sit indova che i bergamin menen el bestiam per fàgh fà pastura in montagna in tra i 1000 e i 2500 meter, per profità de la tanta erba fresca in di mes d'estad, de la fin de masg a metà setember.

	«I bergamin in masg vann su a l'alp; in setember vegnen sgiò.»
	(Proverbi lombard)

De solet, la pupart di bes'ce che vegnen fade andà su a l'alp a inn vache, ma poden vesser anca de olter spece, 'me bee o caver de levam. I alp a inn caraterizad de cassine per la produzzion de buter o formai: el lacc otegnud in l'alp a l'è drovad per fà i formai de mont, 'me el Bit, el Bit storegh, el Nostran Valtrompia (version de alp) e el Strachitunt (version de alp).