Étienne Jacques Joseph Alexandre MacDonald
![](http://upload.wikimedia.org/wikipedia/commons/thumb/2/24/MacDonald_par_Antoine_Jean_Gros.jpg/300px-MacDonald_par_Antoine_Jean_Gros.jpg)
L'Étienne Jacques Joseph Alexandre MacDonald (Sedan, 1765 - 1840), duca de Tarent, l'è staa un general frances anca se 'l nomm el mostra che 'l gh'aveva on'origin scozzesa.
L'ha scominciaa la carrera militar in del 1786: Insema al general Dumouriez l'ha combattuu a Jemappes e poeu, vegnuu general de brigada in del 1793, a Tourcoing e Hondeschoote.
In la Campagna d'Italia l'ha vinciuu a Modena; poeu l'è andaa sù in Germania insema al general Moreau.
Quand che 'l Moreau l'ha tradii, el MacDonald l'ha difenduu: inscì Napoleon a l'ha scasciaa foeura de l'esercit. Gh'è voruu cinch ann prima che 'l riciamass indree, e quand quella robba chì l'è succeduda, lù l'ha battuu l'esercit austriegh a Wagram.
Inoltra l'ha combattuu cont onor in Spagna, Russia, Germania e Francia, col toeu part ai battali Lützen, de Bautzen, Katzbach, Lipsia (indove che l'è staa quasi ciappaa presonee del nemis) e Hanau.
In del 1814 l'è staa vun de quei che hann convinciuu l'imperador a retiràss e l'ha negozziaa la pas cont i Leaa. In di Cent Dì l'ha vuttaa el re Luis XVIII a scappà foeura de la Francia e l'ha refudaa de tornà a combatt cont el Napoleon.