Frank Sinatra
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/a/af/Frank_Sinatra_%2757.jpg/220px-Frank_Sinatra_%2757.jpg)
Francis Albert "Frank" Sinatra (12 december 1915 in Hoboken, New Jersey - 14 mei 1998 in Los Angeles, Californië) waor 'nen Amerikaanse jazzzenger, aktäör, direktäör en producer. Heer is veural bekind es 't bezej vaan de Swingtied.
Sinatra waor volgens väöl lui eine vaan de meis belaangrieke figure oet de popmeziek vaan de 20e iew. Zien einegste rivale veur die titel zien euver 't algemein aongenomme Bing Crosby, Elvis Presley en the Beatles.
In 'n professioneel carrière wat 60 jaor däörde, demonstreerde heer 'n opmèrkeleke abiliteit um zien stijl te behawwe in ummertouw veranderende popklimate. Sinatra stoond aon 't begin vaan de twiede haaf vaan de 20e iew: d'n tied boe-in 't fenoneem popmeziek eder jaor weer get leek te verandere. Heer kaom op de veurgroond vaan d'n Amerikaanse meziekwereld in de Swingtied vaan de daarteger en veerteger jaore, heelp de Swingtied vaan de veerteger en viefteger jaore te definiere, and vervolgde in 't trèkke vaan luustereers in de Rock & Roll-tied (oongeveer 1955, mèt 't ind vaan de Twiede Swingtied - 1965, mèt 't begin vaan de Hippietied). Heer scoorde ziene ierste nómmer ein hit in 1940 en waor nog ummertouw 'ne miljoneverkaopende in 1994. Dees populariteit waor e symbool veur zien succes in 't zinge en promote vaan 't Amerikaans populair leed wie 't waor gesjreve - veural dat vaan de vreug 20e iew en de volgende twinteger, daarteger en veerteger jaore. Heer waor behendeg in 't aontrèkke vaan 't wèrk vaan groete theatercomponiste oet dees periood, wie Jerome Kern, Irving Berlin, George Gershwin, Cole Porter, en Richard Rodgers, en herinterpreteerde hun leedsjes veur later peblieke op e meneer wat leide tot de heroontdèkking en de permanent veraankering vaan de Amerikaanse klassiekers. Op opnaome en in liveperformances (film, radio, tillevisie) zóng heer consistent staanderdklassiekers op 'n meneer die hun tiedloesheid demonstreerde.
Es zoon vaan 'nen Italo-Amerikaanse brandweermaan stopde Sinatra mèt de middelbare sjaol veur zien lèste jaor begós um aon 'n muzikaal carrière te beginne. In september 1935 naom heer deil es stöm in de gróp The Hoboken Four op Major Bowes' Original Amateur Hour. De gróp won de radiowedstrij en tourde mèt Bowes. Sinatra naom 'n baon aon es zingenden ober bij de "Rustic Cabin" in Englewood (ouch New Jersey). Heer zong nog ummertouw in de lente vaan 1939, wie heer de trompetis Harry James op de radio huurde, wee recentelek zien eige big band had georganiseerd naotot heer de band vaan Benny Goodman verlaote had. James naom Siatra aon, en zoe naom heer zienen iersten album op op 13 juli 1939. Aon 't ind vaan 't jaor accepteerde Sinatra e veurstèl vaan de väöl succesvollere bandleier Tommy Dorsey, veur wee Sinatra góng wirke in jannewarie 1940. Euver de kommende twie en 'n haaf jaor naom heer deil aon 16 Top Ten hits, opgenomme door Dorsey, boevaan "I'll Never Smile Again" de bekinste is en later ouch zaw wore opgenomme in de Grammy Hall of Fame. Gedäörende dees periood trooj heer op in versjèllende radioshows mèt Dorsey en versjeen heer mèt zien band in de films Las Vegas Nights (1941) en Ship Ahoy (1942).
In jannewarie '42 begós heer zien ierste veurziechtege stappe te make nao 'n solocarrière door 'n sessie mèt veer leedsjes op te numme, gearrengeerd door Alex Stordahl, mèt oonder aandere Night and Day vaan Cole Porter. Dit woort zienen ierste groete nómmer oonder zienen eige naom. 'r Woort oetgebrach in miert 1942. In ierste instantie woorte zien opnaomes verbooje door de publicatieban vaan de American Federation of Musicians, die 'n maond ierder in waor gegaange. Evels kraog heer de kans 'n 15-menuut däörende radioserie te make genaomp Songs by Sinatra, boe-in heer in oktober zien leedsjes te hure kós bringe. Zien groete doorbraak kaom door zien rol es veuract vaan Benny Goodman in 't Paramount Theatre in New York City, wat begós op aajdjaorsaovend. 't Maakde hum e populair fenomeen: 't ierste echte tieneridool, mèt sjaolmeidskes die zien leve, professioneel en muzikaal, achtervolgde. Iers volgde veer nómmer hits op Dorsey Records: "There Are Such Things" (nómmer ein in jannewarie 1943), "In the Blue of the Evening" (augustus '43), "It's Always You" (december '43) en oetindelek "I'll Be Seeing You" (dee ouch nog in d'n tóp 10 kaom in 't begin vaan 1944. Columbia, wat de rechte had vaan de Harry James opnaomes, herpubliceerde de veer jaor awwe "All or Nothing at All", mer noe oonder de naom Frank Sinatra with Harry James & His Orchestra. Dit woort 'ne nómmer ein in september. Oondertösse had Columbia häöm gepromoveerd tot solozenger. Dao naom heer veer tóp 10 hits op in '43, boe-oonder "People Will Say We're in Love" vaan Richard Rodgers en Oscar Hammerstein II. 'n Viefde hit kaom in de vreug maonde vaan 1944 ("I Couldn't Sleep a Wink Last Night"). In fibberwarie 1943 woort Sinatra aongenomme bij de populaire radioserie Your Hit Parade boe heer optrooj bis ind '44. Same mèt zien radioverpliechtinge versjeen heer vaan juni bis oktober op Broadway Bandbox en in de herfs góng heer obbenuits aon de slaag bij de show Songs by Sinatra, wat veurtleep bis december.
Brón
[bewirk | brón bewèrke]- Rovi William Ruhlmann, "Frank Sinatra" op Spotify (datum oonbekind)