Catalonië
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Regio van Spanje Catalonië Catalunya (Catalaons) Cataluña (Spaons) Catalonha (Aranees) | ||||
![]() |
![]() | |||
![]() | ||||
| ||||
Hoofplaats | Barcelona | |||
Opperflaakde | 32.108 km² | |||
Inwoeners – Deechde |
7.522.596 (2016) 234/km² | |||
| ||||
President | Amp opgesjord (take tiedelik waorgenome door Soraya Sáenz de Santamaría) | |||
| ||||
Vouksleed | Els Segadors | |||
Taole | Catalaons, Aranees (Occitaons), Spaons | |||
ISO 3166-2 | ES-CT | |||
Website | web.gencat.cat |
Catalonië (Catalaons: Catalunya, Spaons: Cataluña, Aranees: Catalonha) is 'n otonoom regio vaan Spanje mèt es hoofstad Barcelona. Catalonië ligk in 't noordooste vaan Spanje aon de kös vaan de Middellandse Zie en heet 'n köslijn vaan 580 kilometer die besteit oet de Costa Brava, de Costa del Maresme, de Costa del Garraf en de Costa Dorada. De regio grens in 't zuie aon Valencia, in 't weste aon Aragón en in 't noorde aon Fraankriek en Andorra.
Catalonië heet 'n sterk oontwikkelde eige identiteit en 't gebruuk vaan de Catalaonse taol weurt door de deilstaotregering sterk gepromoot. E groet deil vaan de bevolking heet separatistische ideaole. In oktober 2017 leep dit oet op 'n constitutioneel crisis. E rifferendum euver aofsjeiing, georganiseerd door de nationalistische deilstaotsregering, woort door Madrid illegaol verklaord. Op 27 oktober 2017 reup Catalonië einzeideg de oonaofhenkelekheid oet. De Spaonse wètgever stèlt dao-op artikel 155 vaan de Spaonse groondwèt in wèrking boedoor de Catalaonse otonomie tijdelek weurt opgesjort.
Bestuurleke indeiling
[bewirk | brón bewèrke]Catalonië besteit oet veer provincies (ciefers 2015)[1][2]
Provincie | Inwoenertal | Hoofstad | Inwoenertal |
---|---|---|---|
Barcelona | 5.523.922 | Barcelona | 1.604.555 |
Gerona (Catalaons: Girona) |
753.054 | Gerona (Catalaons: Girona) |
97.586 |
Lerida (Catalaons: Lleida) |
436.029 | Lerida (Catalaons: Lleida) |
138.542 |
Tarragona | 795.101 | Tarragona | 131.255 |
Totaal | 7.508.106 |
Taol
[bewirk | brón bewèrke]![](http://upload.wikimedia.org/wikipedia/commons/thumb/f/ff/Mapa_dialectal_del_catal%C3%A0-valenci%C3%A0.png/260px-Mapa_dialectal_del_catal%C3%A0-valenci%C3%A0.png)
In Catalonië gief 't drei officieel taole: 't Catalaons, 't Spaans en 't Aranees (Occitaons). In de hoofstad Barcelona weurt Spaons en Catalaons gemojld, maar op 't platteland kump 't veur tot de bevolking gei Spaons mojlt. 't Aranees weurt gesproke in de Val d'Aran in 't noordweste vaan Catalonië.
't Catalaons is 'n Romaanse taol taal en liekent ouch väöl op aander Romaanse taole wie Spaons, Frans en Italiaons.
't Catalaons is officieel de ierste taol vaan Catalonië, same mèt 't Spaons is 't dao, volgens de Spaonse groondwèt 'co-officieel'. In Spanje zelf weurt dees lèste taol aongeduid mèt Castiliaans (((es)) Castellano): 't is neet de taal vaan gans Spanje en is dus ouch neet "Spaons" te neume (neet allein Catalonië heet officieel 'n aander taol, ouch in 't Baskeland en Galicië weure aander taole gemojld).
Bekènde Catalaone op dees Wikipedia
[bewirk | brón bewèrke]- Josep Borrell, EU-politicus
- Jordi Savall, meziekweitesjapper
Rifferenties
[bewirk | brón bewèrke]![]() | |
---|---|
Otonoom regio's: | |
Andalusië · Aragón · Asturië · Baleare · Baskeland · Canarische eilen · Cantabrië · Castilië-La Mancha · Castilië en León · Catalonië · Extremadura · Galicië · La Rioja · Madrid · Murcia · Navarra · Valencia | |
Otonoom sjtae: | |
Ceuta · Melilla |