Katalunya
![](http://upload.wikimedia.org/wikipedia/commons/thumb/2/29/Coat_of_Arms_of_Catalonia.svg/220px-Coat_of_Arms_of_Catalonia.svg.png)
![](http://upload.wikimedia.org/wikipedia/commons/thumb/c/ce/Flag_of_Catalonia.svg/250px-Flag_of_Catalonia.svg.png)
![](http://upload.wikimedia.org/wikipedia/commons/thumb/a/a0/Cataluna_in_Spain_%28including_Canarias%29.svg/250px-Cataluna_in_Spain_%28including_Canarias%29.svg.png)
An Katalunya (Catalan: Catalunya, Occitan: Catalonha, Espanyol: Cataluña) sarong autonomong komunidad kan Espanya, namomogtak sa amnayan-subangan na puro-puro kan Peninsula Ibero. Ini designadong nasyonalidad susog sa Estatuto nin Autonomiya. An Katalunya binibilog nin apat na probinsya: Barcelona, Girona, Lleida, asin Tarragona. An kabesera asin pinakadakulang siyudad kaini iyo an Barcelona, an ikaduwang pinakadakul sa populasyon na munisipalidad sa enterong Espanya. Ini an pinakaubod kan ikapitong matawong lugar na urban sa Unyon Europeo. An Katalunya iyo haros an hiniwas kan dating Prinsipalya nin Catalonia, maliban an Rousillon na nagin parte na kan Pyrenees-Orientales na kabtang na kan Pransya. An munisipalidad na ini napapagdolonan kan Pransya asin Andorra sa amnayan, kan Dagat Mediteraneo sa subangan, kan autonomong komunidad nin Aragon sa solnopan asin Valencia sa habagatan. An mga opisyal na lenggwahe igdi iyo an Katalan, Espanyol, asin an dialektong Occitan.[1]
Reperendum sa pagsuway sa Espanya
[baguhon | baguhon an source]Sa Oktobre 1, 2017, an gobyerno rehiyonal (Generalitat) kan Katalunya na pinamamayohan ni Presidente Carles Puigdemont pinagmarhay na magkaigwa nin reperendum ta ihapot sa mga taga-Katalunya kun baga oyon sinda na maglitik sa Espanya asin magtindog bilang sarong independienteng nasyon suway sa nasyon na Espanya. An Espanya, sa pamamayo ni Primer Ministro Mariano Rajoy maisog na dai inooyonan an Katalunya na magsuway asin inapod an reperendum, kun ini man mangyari, na sarong ilegal na akto, sarungat sa dikta kan Konstitusyon. Alagad an gobyerno rehiyonal kan Katalunya dinadara nanggad an bandera nin separatismo asin ipapadagos an reperendum.[2][3]