Dysprosium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Dysprosium is e sjemisch element mit es symboeal Dy en 't atoeamnómmer 66. 't Is e zilvergries lanthanied.

Toepassinge

Doordet methode veur dysprosium te isolere nag meh rilletief kórt bestaon is de industrieel toepassing nag bepirk:

't Is 'ne goje neutronvanger en besjik euver e hoeag smultjpuntj wodoor dysprosium gesjik is veur gebroek in nucleair installaasjes;
Gekómbineerdj mit vanadium en anger lanthanide wuuertj dysprosium gebroek es lasermatterjaal;
Dysprosium(III)oxied kan waere gekómbineerdj mit niekkel veur 't keule van regelstaven in nucleair installaasjes;
Zate van dysprosium waeren in gaasóntlajingslampe gebroek veur 'n specifieke kluuertemperatuur te bekómme.

Opmirkelike eigesjappe

Dysprosium is e buugzaam en vervörmbaar metaal en kump in twieë modificaties veur. De α-vorm geit bie 1663 K euver inne β-vorm. 't Reageertj mekkelik mit zoerstof toet 'n oxiedlaog. In water en verdóndj zoer los 't op ónger vörming van waterstof.

't Element geit es driewaerdig positief ion Dy³⁺ in oplossing en dezen oxidatietoestandj behieërsj gooddeils de sjemie.