Mar Ionio
La Mar Ionio (elinica: Ιόνιο Πέλαγος, Iónio Pélagos [iˈonio ˈpelaɣos]; italian: Mar Ionio [mar ˈjɔːnjo]; xcip: Deti Jon [dɛti jɔ:n]) es un baia longa de la Mar Mediteraneo, sude de la Mar Adriatica. Lo es bordida par Italia sude a la ueste, Xciperia sude a la norde, e la costa ueste de Elas a la este.
Tota isolas major en la mar parteni a Elas, nomida la Isolas Ionio. La plu grande de los es Corfu, Cefalonia, Zacintos, Lefcada, e Itaca. Lo ave vias de navetas cual crusi la Mar Ionio entre Italia e Elas.
La Profonda Calipso es la punto la plu profonda en la Mediteraneo a -5267 metres. La mar es un de la areas la plu sismica ativa en la mundo.