Heimdall
En mitolojia norsce, Heimdall es un dio ci posese la corno resonante Gjallarhorn e la cavalo con un crinera oro Gulltopp, es es nomida la dio briliante, con dentes de oro, e es la fio de nove madres (cual representa ondos personida). Heimdall ave previde, vide e oia agu, e vijila per invadores e la comensa de Ragnarok, e bevi idromel en sua abitada Himinbjorg, locada do la arco de sielo Bifrost cual funsiona como la ponte ateni la sielo. Heimdall es la orijina de la clases sosial entre umania, e a un ves regania Brisingamen, la posese la plu amada par Freia, cuando batalia en la forma de un foca con Loki. Heimdall e Loki es prevideda como mata lunlotra en la avenis de Ragnarok. Heimdall es ance clamada Rig, Hllinskidi, Gullintanni, e Vindler.
Heimdall es atestada en la Edda poesial, la Edda prosal, la Heimskringla, la poesias de la skaldes, e sur un enscrive de runas norsce vea trovada en England. Du linias de un poesia perdeda sur la dio, la Heimdalargald, survive. Studiantes de mitolojia norsce ia produi theorias variosa sur la dio, incluinte sua relata a oveas mas, ce el pote es un personi de o liada a la arbor de la mundo, Yggdrasil, e a conasedas posible en otra tradisiones indoeuropean.