Heimdall
Heimdall of heimdallr (ouk bekend as Rig, Hallinskiði, Gullintanni en Vindlér of Vindhlér) is in de germaanske mythology den wachtersgod. Vanuut synen burcht Himinbjörg, wår de brandende reagenboagbrügge Bifröst samenkümt med de lucht, kikt hee uut vöär anvallers van et godenryk.
Den yslandsken skryver Snorri Sturluson meynden dat Heimdall ne söäne is van Wodan en neagen maagdelike dochters van Aegir, den sey-god. Heimdall is untstån uut den bruus van de sey-branding. Hee hevt vöärkennis en skarp sicht en gehöyr. Dårümme hoovt hee ouk neet voordan up wacht te stån, hee weat ja toch al wat der kümt. Hee drägt de klinkende hoorn Gjallarhorn üm alarm te pusten as der gevår is en ridt up Gulltoppr, en paerd med guldene manen. In syn huus hevt hee nen vöärråd meade. Hee hevt de sociale klassen van þrall (knecht), karl (buur) en jarl (graaf) under de mensken emaked.
Eyn nömenswaerdig verhaal van Heimdall is syne poging üm Freya's geleevde halskeatene Brísingamen terüg te krygen, terwyl as hee, in de verskyning van nen seyhund, vecht med Loki, den stoakebaas. De teagenstelde verholding med Loki is belangryk, ümdat de vöärspelling is dat see mekander ümmebrenget tydens Ragnarök.