Isonoe (Mound)
 | |
| Provisoresch oder systematesch Bezeechung | S/2000 J 6 |
|---|---|
| Zentralkierper | Jupiter |
| Eegenschafte vum Orbit | |
| Grouss Hallefachs | 23.217.000 km |
| Periapsis | 17.506.000 km |
| Apoapsis | 28.928.000 km |
| Exzentrizitéit | 0,246 |
| Ëmlafzäit | 725,5 Deeg |
| Ëmlafvitess | 2,33 km/s |
| Inklinatioun | 165,20° |
| Physikalesch Donnéeën | |
| Mëttleren Duerchmiesser | ≈ 4 km |
| Dicht | ? g/cm3 |
| Albedo | 0,04 |
| Visuell Magnitude (mag) | 22,5 |
| Entdeckung | |
| Entdecker | IFA Hawaii |
| Entdeckungsdatum | 23. November 2000 |
De Mound Isonoe (oder Jupiter XXVI) ass ee vun de klengste baussenzege Mounde vum Planéit Jupiter.
Entdeckung
[änneren | Quelltext änneren]Den Isonoe gouf den 23. November 2000 vun Astronome vun der Universitéit vun Hawaii entdeckt. Hie krut am Ufank déi virleefeg Bezeechnung S/2000 J 6.
De Mound gouf no der Isonoe, enger vun den Danaiden a Frëndinne vum Zeus aus der griichescher Mythologie genannt.
Bunndaten
[änneren | Quelltext änneren]Den Isonoe kreest a 725 Deeg an 12 Stonnen op enger mëttlerer Distanz vun 23.155.000 km ëm de Jupiter. D'Bunn huet eng Exzentrizitéit vun 0,246. Mat enger Inklinatioun vun 165,2° ass seng Bunn retrograd, d. h., de Mound beweegt sech géint d'Rotatiounsrichtung vum Jupiter ëm de Planéit.
Wéinst senge Bunneegenschafte gëtt den Isonoe zu der Carme-Grupp gezielt, genannt nom Jupitermound Carme.
Physikalesch Daten
[änneren | Quelltext änneren]Den Isonoe huet en Duerchmiesser vun zirka 4 km. Hien ass warscheinlech haaptsächlech aus Silikatgestengs opgebaut. Den Isonoe huet eng ganz däischter Uewerfläch mat enger Albedo vun 0,04, d. h., nëmme 4 % vum agestraalte Sonneliicht gi reflektéiert. Seng visuell Magnitude ass 22,5m.
Kuckt och
[änneren | Quelltext änneren]
Um Spaweck
[änneren | Quelltext änneren]- MPEC 2001-A28: S/2000 J 2, S/2000 J 3, S/2000 J 4, S/2000 J 5, S/2000 J 6 5. Januar 2001 (Entdeckung)
- MPEC 2002-A12: S/2000 J 6 4. Januar 2002 (Zeréckentdeckung)