Borussia

Borussia, sive Prussia (Theodisce: Preußen), est nomen historicum terrarum Europae Orientalis Mediaeque, significans:

1. Regionem in ora maris Baltici sitam, ex nomine Borussorum, gentis localis, nuncupatam, quae saeculo XIII ab Ordine Teutonico occupata fuit (vide Civitas Ordinis Teutonici). Serius regio illa nominata est "Borussia orientalis" (nunc pars Russiae, Poloniae et Lituaniae).

2. Regnum (ab anno 1701), quod Borussiam orientalem et Brandenburgum inclusit. Caput regni Berolinum erat. Cum anno 1871 Imperium Germanicum unitum concrevisset, Borussia regnum dominans Germaniae fuit (Borussiae rex per constitutionem^[1] imperator Germanicus fuit, donec anno 1918 terra illa facta est res publica).

Post primum bellum mundanum Borussia orientalis divisa est, non magna parte septentrionali separata. Quod territorium ab anno 1923 Lithuaniae pars est. Reliqua quidem pars maior etiam, sed post secundum bellum mundanum demum, divisa in partes duas, quarum una Poloniae pars integralis facta est, sed altera Russiae regio Calininopolitana nomine Borussiae prorsus deleto.

Die 25 Februarii 1947 civitates secundo bello mundano victrices (Civitates Foederatae, Francia, Regnum Unitum ac Unio Sovietica), Borussiam aboleverunt.

Curiositas

Borussia (id est vocabulum Latinum, non Theodiscum) etiam nomen corporis studentium est. Nonnullae athleticae societates hoc nomen habent, exempli gratia: Borussia Mönchengladbach, Borussia Dortmund. Etiam hodie, colores turmarum pedilusoriarum nationalium Germanicarum ei Borussiae remanent.

Pinacotheca

Vexillum Borussiae,
1894-1918.
Vexillum Borussiae,
1922-1933.
Sigillum praesidis ministrorum rei publicae.
Provinciae Borussiae anno 1925.
Turma pedilusoria nationalis Germanica cum coloribus Borussiae.

Notae

↑ Constitutio Imperii Germanici anni 1881, art. 11: "Das Präsidium des Bundes steht dem Könige von Preußen zu, welcher den Namen Deutscher Kaiser führt." Latine: "Praesidem confoederationis regem Borussiae opportet esse, cui nomen 'Imperator Germanicus' est."

Bibliographia

Clark, Christophorus. Iron Kingdom: The Rise and Downfall of Prussia: 1600-1947.

Terrae rei publicae Vimarianae


Anhaltinum • Badenia • Bavaria • Res Publica Brunsvicum • Urbs Hanseatica Brema • Hamburgum • Hassia • Lippia • Lubeca • Megalopolis-Suerinum • Megalopolis-Strelicia • Oldenburgum • Borussia • Saxonia • Schaumburgum-Lippia • Thuringia • Waldecum-Pyrmontum (ad usque annum 1929) • Virtembergia

David's face

Haec stipula ad historiam spectat. Amplifica, si potes!

[1] Constitutio Imperii Germanici anni 1881, art. 11: "Das Präsidium des Bundes steht dem Könige von Preußen zu, welcher den Namen Deutscher Kaiser führt." Latine: "Praesidem confoederationis regem Borussiae opportet esse, cui nomen 'Imperator Germanicus' est."

[1]