Бу
Бу — заттың газ фазасы өзінің сұйық (қатты) фазасымен тепе-теңдікте болатын газ тәрізді күйі. Бу мен газ ұғымы, көп жағдайда, бір-бірінен шартты түрде ғана ажыратылады. Термодинамика тұрғысынан “Бу” және “газ” терминдері бір-біріне пара-пар.
Химиялық таза заттар Буының мынадай түрлері бар: қаныққан бу (қанығу температурасы мен қанығу қысымы кезіндегі Бу, басқаша айтқанда, заттың Буы өзінің сұйық немесе қатты күйімен жылжымалы тепе-теңдікте болатын күйі және оның қасиеттері тек температурамен ғана анықталады); қанықпаған (қызған) бу (берілген қысымда температурасы қанығу температурасынан жоғары болатын Бу, яғни тығыздығы қаныққан Будан кем болатын Бу); аса қаныққан бу (берілген темп-радағы қысымы қанығу қысымынан үлкен болатын Бу).
![](http://upload.wikimedia.org/wikipedia/commons/thumb/3/32/2008-07-15_Steam_rising_at_Duke.jpg/220px-2008-07-15_Steam_rising_at_Duke.jpg)
Аса қызған бу
[өңдеу | қайнарын өңдеу]Берілген қысымда темп- расы қанығу температурасынан жоғары болатын бу.
Атомдық бу
[өңдеу | қайнарын өңдеу]Үлгінің құрамына кіретін заттарды атомдарға ыдырайтындай дәрежеде қыздырған кездегі күйі.
Қаныққан бу
[өңдеу | қайнарын өңдеу]Cұйықтықпен немесе сондай химиялық құрамды қатты денемен термодинамикалық тепе-теңдікте болатын бу.
Қыздырғыш бу
[өңдеу | қайнарын өңдеу]Ыстық жылу тасымалдаушы ретінде пайдаланылатын су буы.
Өткір бу
[өңдеу | қайнарын өңдеу]Қыздырылатын сұйықтыққа тікелей жіберілетін қыздырғыш бу.
Дереккөздер
[өңдеу | қайнарын өңдеу]“Қазақ Энциклопедиясы”, ||-том
![]() | Бұл мақаланы Уикипедия сапа талаптарына лайықты болуы үшін уикилендіру қажет. |
|