Kyai A̱sa̱khwot Meditaroniya
![](http://upload.wikimedia.org/wikipedia/commons/thumb/9/96/Mediterranee_02_EN.jpg/220px-Mediterranee_02_EN.jpg)
Kyai A̱sa̱khwot Meditaroniya hu (Shong: Mediterranean Sea) yet kyai a̱sa̱khwot hwa ku fwuop ma̱ng A̱gba̱ndang Kyai A̱sa̱khwot Ati̱lantik wu, Kham Meditaroniya ji si̱ keang nhu a̱wot bibyin hyia̱k hu si̱ nyia̱ kpa̱mkpaan ku kup nhu a̱mgba̱m: di̱ fam a̱za hu nfam a̱byin Jenshyung ma̱ng A̱tak Yurop nshyia̱ a mbeang li̱m-a̱byin Anatoliya, a̱wot di̱ fam a̱tak hu A̱za Afrika si̱ myian a̱ja, a̱wot di̱ fam a̱tyin hu Levant hu si̱ shyia̱. Kyai A̱sa̱khwot hu ku yet a̱gba̱mgbam kap nkhang gbangbang tat-á̱ghyi A̱shong wu. Shimba á̱ di̱n jen jhyang, á̱ ni̱ nnwuan Kyai A̱sa̱khwot Meditaroniya hu nang a̱gba̱mgbam nkap A̱gba̱ndang Kyai A̱sa̱khwot Ati̱lantik wu a̱ni, á̱ ka nkhap nhu zan nang vam a̱sa̱khwot ghyang hwa a̱ni. Sheda Lyen-a̱byin ku tyai nyia̱ kpa̱mkpaan ma̱ng ndyia̱ miliyon 5.9 gbangbang, Meditaroniya hu ku tyat neet di̱ Ati̱lantik wu a̱wot ku si̱ khwot di̱n kap ku di̱ tityak da̱ a̱cak ndyia̱ 600,000 di̱n jen jhya̱ nfak Mesiniya ji a̱wot ku bu sii du nhyat mat a̱ri̱giwa Za̱nki̱lea wu kpa̱mkpaan ma̱ng ndyia̱ miliyon 5.3 gbangbang.